છોટાઉદેપુર: હાલમાં જ છોટાઉદેપુર જિલ્લા માટે ગૌરવની ક્ષણ! જિલ્લાના પાંચ પ્રતિભાશાળી યુવક-યુવતીઓએ ગુજરાત પોલીસમાં સીધી ભરતી પ્રક્રિયા દ્વારા પોલીસ સબ ઇન્સ્પેક્ટર (PSI) તરીકે પસંદગી મેળવીને જિલ્લા તેમજ સમગ્ર રાઠવા આદિવાસી સમાજનું માન વધાર્યું છે.
Decision News ને મળેલી જાણકારી મુજબ પસંદગી પામેલા પાંચ ઉમેદવારોના નામ આ પ્રમાણે છે: • નાગરસિંહ સેવજીભાઈ રાઠવા • અનિલભાઈ કચુભાઈ રાઠવા • સોનલબેન નરેશભાઈ રાઠવા • કરુણાબેન ગણેશભાઈ રાઠવા • ગુલાબભાઈ જેન્તાભાઈ રાઠવા આ પાંચેય યુવાનોએ પોતાની અથાગ મહેનત, સમર્પણ અને લગનના બળે આ મહત્વની સફળતા હાંસલ કરી છે. તેમની આ સિદ્ધિને લઈને જિલ્લામાં ખુશીનો માહોલ છવાયેલો છે અને સમાજના આગેવાનો તેમને પ્રેરણાસ્ત્રોત માની રહ્યા છે.
રાઠવા આદિવાસી સમાજ માટે આ એક ગૌરવની ક્ષણ છે. આ સફળતા અન્ય આદિવાસી યુવાનોને સરકારી નોકરીઓમાં આગળ વધવા માટે પ્રેરણા આપે છે. પરિવારજનો, સગાંસંબંધીઓ, મિત્રો અને સમાજના અગ્રણીઓએ નવા PSI અધિકારીઓને અભિનંદન પાઠવ્યા છે અને તેમને ઉજ્જવળ કારકિર્દીની શુભકામનાઓ આપી છે.
આ સિદ્ધિ છોટાઉદેપુર જિલ્લાના યુવાનોની ક્ષમતા અને સંકલ્પનું પ્રતીક બની રહેશે.
