આજે સવારે યોજાયેલા ખાસ સમારંભમાં ભારતના મુખ્ય ન્યાયમૂર્તિ એ નિયુક્ત ન્યાયાધીશોને શપથ લેવડાવ્યા હતા. આટલો મોટો શપથ સમારોહ પ્રથમ વખત યોજાયો. 9 નવા જજમાં ત્રણ મહિલા ન્યાયાધીશોનો સમાવેશ થાય છે. શપથવિધિ સમારોહ સુપ્રીમ કોર્ટના નવા ભવનમાં બનેલા સભાગૃહમાં યોજાયો હતો.
સુપ્રીમ કોર્ટના ઇતિહાસમાં આ પ્રથમ વખત છે જ્યારે 9 જજને એક સાથે શપથ લેવડાવવામાં આવ્યા. સામાન્ય રીતે નવા જજોને શપથ મુખ્ય ન્યાયાધીશના કોર્ટ રૂમમાં આપવામાં આવે છે. પરનું આજ રોજ મંગળવારે, 9 નવા ન્યાયાધીશોના શપથ લીધા બાદ, CJI રમન સહિત સર્વોચ્ચ અદાલતમાં ન્યાયાધીશોની સંખ્યા વધીને 33 થઈ છે, જ્યારે મંજૂર સંખ્યા 34 છે.
Delhi: Nine judges — Justices AS Oka, Vikram Nath, JK Maheshwari, Hima Kohli, BV Nagarathna, CT Ravikumar, MM Sundresh, Bela M Trivedi & PS Narasimha — take oath as Supreme Court judges
(Photo – Supreme Court) pic.twitter.com/fWeB4HIJF9
— ANI (@ANI) August 31, 2021
સર્વોચ્ચ અદાલતના ન્યાયાધીશ તરીકે શપથ ગ્રહણ કરનારા 9 નવા ન્યાયાધીશોમાં જસ્ટિસ અભય શ્રીનિવાસ ઓકા, જસ્ટિસ વિક્રમ નાથ, જસ્ટિસ જીતેન્દ્ર કુમાર મહેશ્વરી, જસ્ટિસ હિમા કોહલી અને જસ્ટિસ બીવી નાગરથના, જસ્ટિસ સીટી રવિકુમાર, જસ્ટિસ એમએમ સુંદરેશ, જસ્ટિસ બેલાનો સમાવેશ થાય છે. એમ ત્રિવેદી અને પીએસ નરસિંહ.
ન્યાયમૂર્તિ નાગરથના સપ્ટેમ્બર 2027 માં પ્રથમ મહિલા CJI બનવા માટે તૈયાર છે. જસ્ટિસ નાગરથના ભૂતપૂર્વ સીજેઆઇ ઇ એસ વૈકટરમૈયાની પુત્રી છે. આ 9 નવા ન્યાયાધીશોમાંથી ત્રણ જસ્ટિસ નાથ, નગરત્ન અને નરસિંહ સીજેઆઈ બનવા માટે તૈયાર છે તે હાલ વેઇટિંગમાં છે.
નોંધનીય છે કે CJI રમનની અધ્યક્ષતાવાળી કોલેજિયમે 17 ઓગસ્ટના રોજ યોજાયેલી બેઠકમાં 9 નવા જજોના નામ મંજૂર કર્યા હતા. આ સાથે સુપ્રીમ કોર્ટમાં નવા ન્યાયાધીશોની નિમણૂક અંગેનો 21 મહિનાનો મડાગાંઠ સમાપ્ત થયો. આ મથામણના કારણે 2019 થી સર્વોચ્ચ અદાલતમાં એક પણ નવા જજની નિમણૂક થઈ શકી નથી. 17 નવેમ્બર 2019 ના રોજ તત્કાલીન સીજેઆઈ રંજન ગોગોઈની વિદાય બાદથી મથઆમણ ચાલી રહી હતી.