પશ્ચિમ બંગાળના જલપાઇગુરી જિલ્લાના ધુપગુરી શહેરમાં ગઈકાલે રાત્રે એક મોટો માર્ગ અકસ્માત થયો હતો, જેમાં કુલ 13 લોકોનાં મોત નીપજ્યાં છે. ગાઢ ધુમ્મસને કારણે ઓછી દૃશ્યતા સર્જાતા આ અકસ્માત થયો હતો. ધુમ્મસ એટલું ગાઢ હતું કે સામેથી આવતા વાહનો એક બીજાને જોઈ શક્યા નહીં અને એકબીજા સાથે ટકરાયા. આ અકસ્માતમાં પથ્થરોથી ભરેલી ટ્રક પણ સામેલ થઈ હતી, જે અઅથડાયા બાદ કેટલાક વાહનો ઉપર પડ્યા હતા. જેના કારણે અનેક લોકોનાં મોત નીપજ્યાં છે.
West Bengal: 13 people died in an accident in Dhupguri city of Jalpaiguri district last night, due to reduced visibility caused due to fog. The injured were taken to a hospital. pic.twitter.com/HHUvqCist6
— ANI (@ANI) January 20, 2021
સમાચાર એજન્સી એએનઆઈએ કેટલીક તસવીરો શેર કરી છે, જેમાં અકસ્માતનો ભોગ બનેલા વાહનને જોઇ શકાય છે અને આ અકસ્માતની તીવ્રતાનો ખ્યાલ આપે છે. વાહન ખરાબ રીતે નુકસાન થયું છે. આ ઘટનામાં ઘણા લોકો ઘાયલ પણ થયા હતા, જેને હોસ્પિટલમાં લઈ જવામાં આવ્યા હતા.
આપને જણાવી દઈએ કે મંગળવારે પણ ધુમ્મસને લીધે ઉત્તર પ્રદેશના મથુરા યમુના એક્સપ્રેસ વે પર પણ આવા જ અકસ્માત થયા હતા. મંગળવારે સવારે બે અલગ અલગ જગ્યાએ અકસ્માતમાં પાંચ લોકો ઘાયલ થયા હતા.
