ફિલ્મ એક્ટર સોનુ સૂદ યુએન તરફથી સન્માન મેળવ્યા બાદ હવે ભારતના ચૂંટણી પંચે તેમનું સન્માન કર્યું છે. ચૂંટણી પંચે તેમને પંજાબના રાજ્ય ‘આઇકોન’ તરીકે નિયુક્ત કર્યો છે. આ માહિતી એક સત્તાવાર નિવેદનમાં આપવામાં આવી છે. નિવેદનમાં પંજાબના મુખ્ય ચૂંટણી અધિકારી એસ કરુણા રાજુને ટાંકીને જણાવ્યું છે કે તેમની કચેરીએ આ મામલે ભારતના ચૂંટણી પંચને દરખાસ્ત મોકલાવવામાં આવી છે.
ભારતના ચૂંટણી પંચે આ પ્રસ્તાવને મંજૂરી આપી હતી. હવે સોનુ સૂદ રાજ્યમાં ચૂંટણીને લગતી જાગૃતિ અભિયાન ચલાવશે. સોનુ સૂદ પંજાબના મોગા જિલ્લાનો છે. સોનુ સૂદ પહેલાથી જ આખા દેશમાં એક એક્ટર તરીકે જાણીતા બન્યા છે. તેણે હિન્દી, પંજાબી અને દક્ષિણ ભારતીય સિનેમામાં પણ કામ કર્યું છે. પરંતુ જ્યારે તેની અને તેની ટીમે કોરોના વાયરસ રોગચાળા દરમિયાન લોકડાઉનમાં ફસાયેલા પરપ્રાંતિય મજૂરોને તેમના ઘરે જવા મદદ કરી ત્યારે તેની એક અલગ ઓળખ ઉભી કરી છે.
કોરોના મહામારીના લોકડાઉનના સમયે સોનુ સૂદે પરપ્રાંતિય મજૂરો અને કામદારોને તેમના ઘરે પહોંચવા બસો, ફ્લાઇટ્સ અને ટ્રેન સેવાઓ આપી હતી અને આ માનવતાવાદી કાર્યની સમાજના તમામ વર્ગ દ્વારા પ્રશંસા કરવામાં આવી હતી. સોનુ સૂદ હજી પણ લોકોને મદદ કરી રહ્યો છે. લોકો તેને મજૂરોનો મસિહા પણ કહી રહ્યા છે.
