કપરાડા: આજરોજ કપરાડા તાલુકાના છેવાડે આવેલાં સુથારપાડા વિસ્તારમાં બાઇક અને ટ્રક વચ્ચે ગંભીર અકસ્માત થયાની ઘટના સામે આવી છે જેમાં બાઈક ચાલકનો પગ અને બાઇક સવાર સાથે 3 વર્ષની બાળકીનો હાથ તુટી ગયા હોવાનું જાણવા મળ્યું છે.
Decision News ને ઘટનાને નજરે જોનાર દક્ષેશભાઈ નામના યુવાન જણાવે છે કે કપરાડા તાલુકાના છેવાડે આવેલાં સુથારપાડા વિસ્તારમાં બાઇક અને ટ્રક વચ્ચે ગંભીર અકસ્માત થયો હતો જેમાં બાઈક ચાલકનો પગ અને બાઇક સવાર સાથે 3 વર્ષની બાળકીનો હાથ તુટી ગયો હતો. ઘટનાની થોડીવારમાં આ ઘાયલ બનેલા બાઈક સવારોને 108 ની મદદથી સારવાર અર્થે નજીકની સુથારપાડા હોસ્પિટલમાં ખસેડવામાં આવ્યા હતા.
આ ગંભીર અકસ્માતની ઘટનાની જાણ પોલીસને કરવામાં આવી હતી. હાલમાં પોલીસ દ્વારા ટ્રક અને ડ્રાઇવર વિરુદ્ધ કેસ નોંધી આગળની કાર્યવાહી હાથ ધરવામાં આવી અને બંને ઘાયલ બાઈક સવારોની સ્થિતિ હાલમાં ઉધારમાં હોવાનું કહેવાય રહ્યું છે.
