છોટાઉદેપુર: હાલમાં પોલીસ તથા PSI ની લેખિત પરિક્ષાઓની તૈયારી કરી રહેલા યુવાનો માટે એજ્યુકેશન ઇન્સ્ટિટ્યૂટ ફતેપુરા છોટાઉદેપુર ખાતે જય જવાન સૈનિક ફાઉન્ડેશન તથા ઈકો યુનિટી ટ્રાઈબલ પ્રોગ્રેસ ઈનિશીયેટીવ ચેરીટેબલ ટ્રસ્ટ છોટાઉદેપુર દ્વારા નિષ્ણાતો દ્વારા સ્પર્ધાત્મક પરિક્ષાઓ લક્ષી માર્ગદર્શન માટે દર રવિવારે સવારે 9 થી સાંજના 4 વાગ્યા સુધી નિઃશુલ્ક કોચિંગ ક્લાસ શરૂ કરવામાં આવ્યા હતા
આ ક્લાસીસમાં જીપીએસસીની પરીક્ષાઓ સહિત ના કલાસીસ ના તજજ્ઞ ડીકે પટેલ દ્વારા સેવાઓ મળનાર છે જેના વિધિવત રીતે ઉદ્ધાટન કાર્યક્રમમાં જય જવાન સૈનિક ફાઉન્ડેશનના પ્રમુખ ગોપાલભાઈ રાઠવા તથા વાલસિંગભાઈ રાઠવા, મનુભાઈ રાઠવા, શૈલેષ ભાઈ રાઠવા મલાજા, અમરસિંગભાઈ રાઠવા બોરકંડા, મણીલાલ ભાઇ કોલચા, ઓરસંગ હોસ્પિટલ છોટાઉદેપુરનાં ઓર્થોપેડીક સર્જન ડો.જિતેન્દ્ર રાઠવા, એંજલ એજ્યુકેશન ઇન્સ્ટિટ્યૂટ છોટાઉદેપુર નાં ડો. તેજલસિંહ રાઠવા સહિત મોટી સંખ્યામાં યુવાનો ઉપસ્થિત રહ્યા હતા.
અહીં ખાસ ઉલ્લેખનીય છે કે આગાઉ 2022 માં પણ રહેવા જમવાની નિઃશુલ્ક વ્યવસ્થા સાથે શરું કરવામાં આવેલ કોચિંગ ક્લાસ વખતે પણ 33 જેટલા ઉમેદવારો પોલીસ માં તથા 2 પીએસઆઇ માં ભરતી થયા હતા જ્યારે વર્ષ 2024 માં પણ 190 જેટલા વનરક્ષકની લેખિત પરિક્ષા પાસ થયેલા યુવાનો માટે શારિરીક કસોટી માટે આપવામાં આવેલ તાલીમ માંથી પણ 27 જેટલા ઉમેદવારો વનરક્ષક માં ભરતી થવા પામ્યા છે આમ છોટાઉદેપુર જિલ્લામાં છેલ્લા બે ત્રણ વર્ષ થી સેવાભાવી સામાજિક કાર્યકરો અને યુવાનોની આ સરાહનીય પહેલથી સ્પર્ધાત્મક પરીક્ષાઓની તૈયારીઓ કરતા યુવાનોને પ્રોત્સાહન અને માર્ગદર્શન થકી બળ મળી રહ્યું છે જે આનંદની વાત કહી શકાય.
