નવીન: મહિન્દ્રા એન્ડ મહિન્દ્રાએ IIT મદ્રાસ ખાતે સ્થપાયેલી સંશોધન આધારિત કારવાં મેન્યુફેક્ચરિંગ કંપની કેમ્પરવાન ફેક્ટરી સાથે હાથ મિલાવ્યા છે. આ સહયોગમાં, ભારતીય બજાર માટે બજેટને અનુરૂપ લક્ઝરી કેમ્પર્સ બનાવવા માટે એક કરાર પર હસ્તાક્ષર કરવામાં આવ્યા છે. બોલેરો ડબલ-કેબ કેમ્પર ગોલ્ડ પ્લેટફોર્મ પર આધારિત હશે, જેને ખાસ કરીને સેલ્ફ-ડ્રાઈવ ટુરિઝમ સેક્ટર માટે વિકસાવવામાં આવી રહી છે.
મહિન્દ્રાએ એ પણ માહિતી આપી છે કે કારવાં સેગમેન્ટમાં OEM દ્વારા આ પ્રકારનું વાહન પ્રથમ વખત બનાવવામાં આવી રહ્યું છે. પ્રેસને આપેલા નિવેદનમાં, મહિન્દ્રાએ માહિતી આપી છે કે બોલેરો ગોલ્ડ કેમ્પર પર બનેલી લક્ઝરી કેમ્પર ટ્રક સ્માર્ટ વોટર સોલ્યુશન, સુંદર ડિઝાઇનવાળી ફીટીંગ્સ અને આરામદાયક ઇન્ટિરિયર્સ સહિત અનેક સુવિધાઓ સાથે આવશે જે પ્રવાસીઓને પસંદ આવશે. દરેક કેમ્પર ટ્રકમાં ચાર વ્યક્તિનું સ્લીપર, ચાર વ્યક્તિનું બેસવાનું અને જમવાનું, બાયો-ટોઇલેટ અને શાવર સાથેનો વૉશરૂમ, તમામ સુવિધાઓ સાથેનું રસોડું, એક નાનું ફ્રિજ અને માઇક્રોવેવ અને એર-કન્ડિશનર વિકલ્પોનો સમાવેશ થાય છે.
મહિન્દ્રા ઓટોમોટિવના માર્કેટિંગના વાઈસ પ્રેસિડેન્ટ હરીશ લાલચંદાનીએ જણાવ્યું હતું કે, ‘મહિન્દ્રાની આ સેગમેન્ટમાં એન્ટ્રી એ તમામ પ્રવાસી ઉત્સાહીઓને પૂરી કરે છે જેઓ મુસાફરી દરમિયાન સંપૂર્ણ સ્વતંત્રતા મેળવવા ઈચ્છે છે, જેમના માટે રોડ જ તેમની મંઝિલ છે’
