ગરુડેશ્વર તાલુકા પંચાયતમાં ભાજપના ઉમેદવારની જીત, સાંજરોલી ગામના ઉમેદવાર રક્ષાબેન રાકેશભાઈ તડવીની ૧૫૬૦ મત સાથે ભવ્ય વિજય મેળવ્યો છે. ગરુડેશ્વર તાલુકા પંચાયત બેઠક પર ત્રણ ઉમેદવાર હતા જેમાં AAP, કોંગ્રેસ અને ભાજપના ઉમેદવાર મેદાનમાં ઉતર્યા હતા.ભાજપને ૧૫૬૦ મત કોંગ્રેસને ૧૩૩૩ મત અને આમ આદમી પાર્ટીને ૧૧૪ મત મળ્યા હતા.
ભાજપના ઉમેદવાર રક્ષાબેન તડવીએ જણાવ્યું હતું કે આ જીત મારી નથી આ મારા મત વિસ્તારના લોકોની જીત છે મારા મત વિસ્તારના લોકોએ મારા પર વિશ્વાસ મૂક્યો છે અને મત આપી જીતાડી છે. અમે મારા મત વિસ્તારમાં વિકાસ લક્ષી કામ કરી શું અને લોકોની સમસ્યાનું નિરાકરણ લાવીશું.
ભાજપના દિગ્ગજ કાર્યકર્તા અને અક્તેશ્વર ગામના પૂર્વ સરપંચ વિક્રમભાઈ તડવીએ જણાવ્યું હતું કે આ જીત ભાજપની જીત છે ભાજપના વિકાસ લક્ષી કામની જીત.
