નાનાપોઢાં: વર્લ્ડ માસ્ટર્સ સ્પોર્ટ્સ ચેમ્પિયનશીપમાં થાઇલેન્ડમાં ગોલ્ડ મેડલ જીતીને ભારતના ગૌરવને વધારે ઉંચાઈએ લઈ જનાર શ્રી શંકરભાઈ ભુસારાને અભિનંદનની લહેર ઊછળી છે. તેમની આ સિદ્ધિ માત્ર વ્યક્તિગત સફળતા નથી, પરંતુ દરેક સંઘર્ષ કરતા યુવાનો અને ખેલાડીઓ માટે પ્રેરણાનો અમૂલ્ય પ્રકાશપુંજ છે.
ધારાસભ્ય શ્રી જીતુભાઈ ચૌધરીએ શંકરભાઈની આ ઉત્કૃષ્ટ સિદ્ધિની પ્રશંસા કરતાં કહ્યું, “શંકરભાઈની આ સિદ્ધિ માત્ર વ્યક્તિગત સફળતા નથી, પરંતુ દરેક યુવાન અને ખેલાડી માટે પ્રેરણાનો પ્રકાશપુંજ છે. જીવનમાં આવતી મુશ્કેલીઓને હરાવીને તેમણે વિશ્વ મંચ પર દેશનું ગૌરવ વધાર્યું છે.” શંકરભાઈ ભુસારાએ પોતાની સફળતાનો શ્રેય સંકલ્પ અને સમર્પણને આપતાં કહ્યું, “સફળતા ક્યારેય સંજોગોથી નથી મળતી, તે સંકલ્પ અને સમર્પણથી પ્રાપ્ત થાય છે.”
આ સિદ્ધિ સાથે શંકરભાઈએ ના માત્ર વલસાડ જિલ્લા અને રાજ્યનું નામ રોશન કર્યું છે, પરંતુ સમગ્ર ભારત માટે એક ઉમદા ઉદાહરણ પૂરું પાડ્યું છે. તેમની આ સફર સાબિત કરે છે કે વય, પરિસ્થિતિ કે અન્ય કોઈ અવરોધ સફળતાની રાહમાં રૂકાવટ નથી બની શકતા, જો મનમાં અડગ ઇરાદો અને સતત મહેનત હોય. આવા ખેલાડીઓને પ્રોત્સાહન આપવું એ રાજ્ય અને દેશની જવાબદારી છે. શંકરભાઈ ભુસારાની આ સિદ્ધિ હજારો યુવાનોને રમતગમતના ક્ષેત્રે આગળ વધવા પ્રેરિત કરશે તેમાં કોઈ શંકા નથી.
