નવોદય વિદ્યાલય સમિતિ (NVS) એ ગ્રુપ A, ગ્રુપ B અને ગ્રુપ Cની જગ્યાઓની ભરતી માટે જાહેરનામું બહાર પાડ્યું છે. આ ભરતી 2022 માટે સત્તાવાર વેબસાઇટ navodaya.gov.in પર 10 ફેબ્રુઆરી 2022 ના રોજ અથવા તે પહેલાં ઑનલાઇન અરજી કરી શકે છે. આ જગ્યાઓ પર ભરતી માટે અરજી પ્રક્રિયા 12 જાન્યુઆરી 2022 થી શરૂ કરાઈ છે.
Decision Newsએ મેળવેલી માહિતી મુજબ આ પ્રક્રિયા દ્વારા કુલ 1925 ખાલી જગ્યાઓ પર ભરતી કરવામાં આવશે. જેમાં આસિસ્ટન્ટ કમિશનરની 5 જગ્યાઓ, આસિસ્ટન્ટ કમિશનર (એડમીન)ની 2 જગ્યાઓ, ફિમેલ સ્ટાફ નર્સની 82 જગ્યાઓ, આસિસ્ટન્ટ સેક્શન ઓફિસરની 10 જગ્યાઓ, ઑડિટ આસિસ્ટન્ટની 11 જગ્યાઓ, જુનિયર ટ્રાન્સલેશન ઓફિસરની 4 જગ્યાઓ, જુનિયર એન્જિનિયર (સિવિલ)ની જગ્યાઓ 1 પોસ્ટ, સ્ટેનોગ્રાફરની 22 જગ્યાઓ, કોમ્પ્યુટર ઓપરેટરની 4 જગ્યાઓ, કેટરિંગ આસિસ્ટન્ટની 87 જગ્યાઓ, જુનિયર સચિવાલય મદદનીશની 630 જગ્યાઓ, ઈલેક્ટ્રીશિયન કમ પ્લમ્બરની 273 જગ્યાઓ, લેબ એટેન્ડન્ટની 142 જગ્યાઓ, મેસ હેલ્પરની 629 જગ્યાઓ અને મલ્ટી સ્ટાફની જગ્યાઓ 23 પોસ્ટ સમાવેશ થાય છે.
ઓનલાઈન પરીક્ષા, કૌશલ્ય કસોટી અને ઈન્ટરવ્યુના આધારે આ વિવિધ જગ્યાઓ પર ભરતી માટે ઉમેદવારોની પસંદગી કરવામાં આવશે. આ ઓનલાઈન પરીક્ષા 9 માર્ચથી 11 માર્ચ, 2022 દરમિયાન લેવામાં આવશે. ધોરણ 10 અને ધોરણ 12 ઉપરાંત, સ્નાતક ઉમેદવારો નવોદય વિદ્યાલયમાં ગ્રુપ A, ગ્રુપ B અને ગ્રુપ Cની જગ્યાઓ પર ભરતી માટે પણ અરજી કરી શકાશે.
