ડેડીયાપાડા: ગતરોજ આદિવાસી લોકોની અસ્મિતા સાથે સંકળાયેલા અને આદિવાસી સમાજના લોકો જેને તહેવારથી કમ નહિ માનતા 9 ઓગસ્ટના દિવસે BTS અને BTTSના સંયુક્ત ઉપક્રમે વિશ્વ આદિવાસી દિવસ ની ઉજવણી ડેડીયાપાડા ખાતે કરવામાં આવી હતી
Decision Newsને મળેલી માહિતી મુજબ ડેડીયાપાડામાં ઉજવાયેલા વિશ્વ આદિવાસી દિવસના પ્રસંગે ધારાસભ્ય શ્રી મહેશભાઈ સી. વસાવા દ્વારા પ્રાસંગિક ઉદબોધન બાદ સમગ્ર આદિવાસી સમાજ ને આહવાન કરી રેલી ખુલ્લી મુકવામાં આવી હતી જે ડેડીયાપાડા યાહા મોગી ચોકથી શરૂ થઈ અને આખા ડેડીયાપાડા બજારમાં જય આદીવાસી અને જય જોહાર ના નારાથી ફરી હતી.
આ પ્રસંગે સ્થાનિક આદિવાસી લોકોએ આધુનિક D.Jના તાલે યુવાનો ઝુમી ઉઠ્યા હતા. પરંપરાગત આદિવાસી ઢોલની મઝા પણ લોકોએ લીધી હતી. સંપૂર્ણ કાર્યક્રમ દરમિયાન આદિવાસી લોકોએ પોતાની સંસ્કૃતિ અને આદિવાસીત્વ યાદ કર્યું હતું.
