ગુજરાત: ડિજિટલ ગવર્નન્સના ક્ષેત્રમાં એક નવો ઈતિહાસ રચતા, ગુજરાત સરકારે ગ્લોબલ ટેક કંપની ‘મેટા’ (Meta) સાથે એક મહત્વપૂર્ણ કરાર કર્યો છે. આ ડીલ અંતર્ગત રાજ્યના નાગરિકોને હવે આવક, જાતિ અને EWSના પ્રમાણપત્રો સહિત કુલ 20 જેટલી મહત્વની સરકારી સેવાઓ સીધી તેમના WhatsApp પર ઉપલબ્ધ કરાશે.
ગુજરાતના કોઈપણ નાગરિક માટે આવકનો દાખલો, જાતિનું પ્રમાણપત્ર કે EWS સર્ટિફિકેટ એ શિક્ષણ, શિષ્યવૃત્તિ અને સરકારી યોજનાઓનો લાભ લેવા માટે જરૂરી છે. અત્યાર સુધી આ પ્રમાણપત્રો મેળવવા માટે મામલતદાર કચેરી, જનસેવા કેન્દ્ર કે સાયબર કાફેના ધક્કા ખાવા પડતા હતા. ફોર્મ ભરવાથી લઈને દસ્તાવેજો જમા કરાવવા અને પ્રમાણપત્ર હાથમાં આવવા સુધી દિવસો નીકળી જતા, કચેરીઓએ આવવા-જવાનો ખર્ચ, મજૂરીના દિવસોની ખોટ અને ક્યારેક વચેટિયાઓને આપવી પડતી રકમ લોકોના ગજવા પર ભારે પડતી અને લાઈનોમાં ઊભા રહેવું માનસિક ત્રાસ સમાન હતું.
આ નવી વ્યવસ્થાથી લોકોના જીવનમાં મોટો સકારાત્મક બદલાવ આવશે. વોટ્સએપ દરેક વર્ગના વ્યક્તિના મોબાઈલમાં ઉપલબ્ધ છે, માત્ર WhatsApp એક ‘Hi’ મેસેજ કરીને ચેટબોટના માધ્યમથી જરૂરી દસ્તાવેજો અપલોડ કરીને ઘરે બેઠા જ સર્ટિફિકેટ મળી જશે
