અરેઠ: અરેઠ ડેપો વિસ્તારમાં એક રખડતી અને બોલી તથા સાંભળી ન શકતી મહિલાને મળેલી માનવતાભરી મદદે સમાજમાં પ્રશંસાનું વાતાવરણ ફેલાયું છે. અરેઠ તાલુકા આઉટપોસ્ટ પર ફરજ બજાવતા હેડ કોન્સ્ટેબલ સુરેશ ચૌધરી અને માનવ સેવા ચેરિટેબલ ટ્રસ્ટના સહયોગથી આ મહિલાનું જીવન નવી દિશા તરફ વળ્યું છે.
ઘટનાની વિગતો અનુસાર, અરેઠ ડેપો વિસ્તારમાં એક અજાણી મહિલા રખડતી હાલતમાં જોવા મળી હતી. તે બોલી અને સાંભળી ન શકતી હોવાથી તેની સ્થિતિ વધુ કરુણ હતી. પોલીસને તેની પાસેથી મળેલા મોબાઇલ ફોનના આધારે હેડ કોન્સ્ટેબલ સુરેશ ચૌધરીએ તરત જ તેના પરિવારજનોનો સંપર્ક કર્યો. તપાસમાં મહિલાનું નામ સવિતા બહેન હોવાનું જાણવા મળ્યું. પરંતુ આશ્ચર્યજનક રીતે, પરિવારજનોએ તેને સ્વીકારવાનો ઇનકાર કરી દીધો. આ સ્થિતિમાં હેડ કોન્સ્ટેબલ ચૌધરીએ માનવતાનું ઉદાહરણ પૂરું પાડીને માનવ સેવા ચેરિટેબલ ટ્રસ્ટનો સંપર્ક કર્યો. ટ્રસ્ટના કાર્યકર્તાઓએ તરત જ પગલાં લઈને સવિતા બહેન માટે રહેવાની, ભોજન અને સંભાળની યોગ્ય વ્યવસ્થા કરી. ટ્રસ્ટના અધિકારીઓએ જણાવ્યું કે, તેઓ આવી વ્યક્તિઓ માટે હંમેશા તત્પર રહે છે અને સમાજમાંથી આવી અવગણના અને અસહાય વ્યક્તિઓને મદદ કરવી તેમનું મુખ્ય ધ્યેય છે.
આ ઘટનાએ પોલીસ વિભાગની સંવેદનશીલતા અને માનવ સેવા ચેરિટેબલ ટ્રસ્ટની સેવાભાવનાને પ્રકાશિત કરી છે. સ્થાનિક વાસીઓ અને સમાજસેવીઓએ આ પગલાને વખાણ્યું છે. હેડ કોન્સ્ટેબલ ચૌધરીએ કહ્યું, “પોલીસની ફરજ માત્ર કાયદો જાળવવા પુરતી નથી, પરંતુ માનવતાનું રક્ષણ કરવું પણ છે.” આવી ઘટનાઓ સમાજને પ્રેરણા આપે છે કે
