ધરમપુર: વલસાડ જિલ્લાના ધરમપુર આસુરાથી કરંજવેરી સુધીના નેશનલ હાઈવે 56 પર છેલ્લા ઘણા સમયથી માર્ગની ખરાબ હાલતને કારણે લોકો દિવસેને દિવસે અતિ ભારે મુશ્કેલીનો સામનો કરી રહ્યા હતા. ધૂળ, ખાડા, અને અધૂરા સરફેસના કારણે ટ્રાફિક જોખમી બન્યો હતો અને જનતામાં ભારે નારાજગી હતી. ત્યારે હાલમાં વહીવટીતંત્ર અને સાંસદ ધવલભાઈ પટેલને રજુવાતના પગલે હાઇવે ડામર થવાથી લોકોએ રાહતનો શ્વાસ લીધો છે.
છેલ્લાં કેટલાંય સમયથી NH-56 પર કોન્ટ્રાક્ટર દ્વારા અધૂરું અને બેદરકાર કામ, એક સાઈડ સુધારી બીજા સાઈડને એમના એમ બાકી રાખવી, બંને સાઈડ પર સરફેસ અસમાન રહેવું વગેરેના કારણે લોકોની ગાડીઓ ખાડા ધૂળ અને રોજિંદી મશક્કત વધતી હતી. આ મુદ્દે લોકોએ ધરણાં પ્રદર્શનો, આક્રમક રજુવાતો, યુવાનો દ્વારા વૉટ્સઅપ રિલ મેસેજો અને ઈમેલના માધ્યમોથી વહીવટીતંત્ર અને સાંસદ ધવાલ પટેલ રાજુવાતનો દોર ચાલુ રખાતા સાંસદશ્રીએ કોન્ટ્રાક્ટરને સાઇટ પર પાછા દોડાવી બંને સાઈડનું સરફેસ યોગ્ય રીતે પૂર્ણ કરાવ્યું છે.
વિરલ બાવીશા નામના યુવાન જણાવે છે કે આ કામગીરીના કારણે હાલમાં માર્ગ પર ધૂળ નિયંત્રણમાં આવી છે, સરફેસ સમાન કરવામાં આવ્યું છે અને જનતાને મોટી રાહત મળી છે લોકોમાં ખુશીની લહેર જોવા મળી રહી છે. અને લોકોએ સાંસદ શ્રી ધવલભાઈ પટેલનો આભાર વ્યક્ત કરી રહ્યા છે. વધુમાં, પરમનેન્ટ સોલ્યુશન અને પૂર્ણ માર્ગ નિર્માણ માટે ની માંગ માર્ગ પરિવહન મંત્રાલય સહિત સાંસદશ્રી પાસે યથાવત ચાલુ છે.
