અમદાવાદ: આજે મેવાણીએ પ્રેસ કોન્ફરન્સ યોજી વધુ એકવાર કહ્યું કે, જે દારૂ-જુગારથી કમાતા હોય તેના પટ્ટા ઉતરશે તે વાત પર આજે પણ અડગ છું. દારૂ-જુગારની લડતને આગળ લઇ જવા માટે કોંગ્રેસે આગામી સમયમાં હેલ્પલાઈન નંબર જાહેર કરવાની જાહેરાત કરી છે.
મેવાણીએ લોકોને અપીલ કરતા કહ્યું કે, તમે મને અથવા કોંગ્રેસના શહેર-જિલ્લા પ્રમુખને ટેગ કરી સોશિયલ મીડિયામાં વીડિયો અપલોડ કરો અમે તમને મદદ કરીશું. ગુજરાતમાંથી ઝડપાયેલા ડ્રગ્સ અંગે સરકાર શ્વેતપત્ર જાહેર કરે મેવાણીએ કહ્યું કે, ગુજરાતના દરિયાકાંઠેથી હજારો કરોડો રૂપિયાનું ડ્રગ્સ ઝડપાયું છે. મારી માગ છે કે, સરકાર આ બાબતે ખાસ સત્ર બોલાવી શ્વેતપત્ર જાહેર કરે.
દ્વારકા અને સોમનાથ જેવા ધાર્મિક ક્ષેત્રોની આસપાસની 3 કિમીની ત્રિજ્યામાં પણ દારુ વેચાતો હોવાનો આક્ષેપ કરાયો છે. તેમણે જણાવ્યું હતું કે, બધા પોલીસવાળા ધ્યાન રાખી લેજો. પટ્ટા તમારા છે, તમારા ઉતરશે મારા નહીં. આ વડગામનો ધારાસભ્ય કહી રહ્યો છે. હું પાછળ પડીશ એટલે છોતરા કાઢી નાંખીશ.
