ડાંગ: આજરોજ ડાંગ જિલ્લા કોંગ્રેસ સમિતિ દ્વારા ગુજરાત રાજ્ય અને ડાંગમા દારૂ,ચરસ, ગાંજા, ડ્રગ્સ જેવા નશીલા પદાર્થનુ ખુબજ મોટા પ્રમાણમાં વેચાણ થઈ રહ્યાના વિરોધમા ડાંગ જિલ્લા કલેક્ટરને આવેદનપત્ર આપવામાં આવ્યુ હતું.
આવેદનપત્રમાં નોંધ્યા મુજબ ગુજરાત દારૂ-ડ્રગ્સ ગાંજાના નશાખોરીનું એપી સેન્ટર બની રહ્યું છે ગુજરાત દરરોજ ક્યાંકથી લાખો રૂપિયાના ડ્રગ્સ, ચરસ કે ગાંજો પકડાયા હોવાના સમાચાર સામે આવી રહ્યાં છે. ગુજરાતમાં કરોડો રૂપિયાના ડ્રગ્સનો કારોબાર અને હેરાફેરી બેરોકટોક થઇ રહ્યો છે. છેલ્લાં ૩૦ વર્ષથી ગુજરાતમાં ભાજપનું એકહથ્થુ શાસન છે. ગુજરાતમાં દારૂ-ડ્રગ્સની બદીને નાથવામાં ભાજપ સરકાર નિષ્ફળ નીવડ્યું છે. દારૂ અને ડ્રગ્સને કારણે ગુજરાતની બહેન દીકરીઓ વિધવા થાય છે, યુવાનોનું ભવિષ્ય બરબાદ થઈ રહ્યું છે. થરાદમાં વડગામના ધારાસભ્યશ્રી જીગ્નેશ મેવાણીએ સ્થાનિક પોલીસ મથકએ રજૂઆત કરી હતી. તંત્ર પાસે જવાબ માંગવાને બદલે ભાજપ સરકાર બુટલેગરોને બચાવવા-સાચવવા વકીલાત કરી રહી હોય તેમ લાગે છે. ‘રાજ્યમાં બુટલેગરો ખુલ્લેઆમ કહી રહ્યા છે કે અમારો હપ્તો છેક ગાંધીનગર સુધી જાય છે, અમારું કોઈ કઈ બગાડી નહીં શકે તેવી શેખી મારે છે’ ‘
ત્યારે ડાંગ કોંગ્રેસ ઇમાનદાર-નિષ્ઠાવાન-કાર્યક્ષમ પોલીસ કર્મીઓને હંમેશા બિરદાવે-સલામ કરે છે. સાથે સાથે લાંચિયા-હપ્તાખોરો-ભ્રષ્ટ મળતિયાઓ-વહીવટદારોને ખુલ્લા પાડવાની જનલક્ષી કામગીરી કરે છે તેની માંગ છે કે મહિલા સુરક્ષા અને દારૂબંધીની કડક અમલવારી, દારૂબંધી- નશાબંધીનાં કાયદાનું સાચી રીતે કડકપણે અમલ કરો., નશાનો બેરોકટોક વેપલો બંધ કરવો, ગુજરાતનાં ભવિષ્ય એવા યુવાધનને બચાવો.
