ગુજરાત: કોંગ્રેસના ધારાસભ્ય જિજ્ઞેશ મેવાણીએ કરેલા પોલીસના પટ્ટા ઉતરાવી દઈશું નિવેદન બાદ ઉત્તર ગુજરાતમાં પોલીસ પરિવાર દ્વારા તેનો વિરોધ કરવામાં આવ્યો હતો અને હવે ગતરોજ એક કાર્યક્રમમાં સંબોધન કરતાં ગુજરાતના DGPનો જવાબ સામે આવ્યો છે.
Decision News ને મેળવેલી માહિતી મુજબ ગુજરાતનાં પોલીસ વડાએ પણ નામ લીધા વિના જ જિજ્ઞેશ મેવાણીને જવાબ આપ્યો છે. તેમણે એક કાર્યક્રમમાં સંબોધન કરતાં જણાવ્યું હતું કે,કોઈ અધિકારી કે કર્મચારી ભૂલ કરે તો અમે છીએ. વિભાગ બહારનો કોઈ વ્યક્તિ મારા અધિકારી કે તમારા કર્મચારીને બોલી જાય એ સહન કરવાની જરૂર નથી.
જિજ્ઞેશ મેવાણીની હાજરીમાં મહિલાઓએ થરાદમાં દારૂના વેચાણ સામે વિરોધ કર્યો હતો. આ મહિલાઓએ પોલીસ અધીક્ષક સમક્ષ દારૂનું વેચાણ બંધ કરવા રજૂઆત કરી હતી. આ દરમિયાન જિજ્ઞેશ મેવાણીએ પોલીસ પર ગંભીર આક્ષેપો કર્યા હતાં. જીગ્નેશ મેવાણીએ જન આક્રોશ યાત્રામાં કહ્યું હતું કે, પોલીસનો પટ્ટો ઉતારી દઇશુ અને પોલીસ અમારી નોકર છે જેવા શબ્દો બોલ્યા હતા.
