વલસાડ: વલસાડ જિલ્લામાં છેલ્લા 24 કલાકમાં સરેરાશ 6.67 મિમી વરસાદ નોંધાયો છે. જિલ્લામાં સૌથી વધુ વરસાદ ધરમપુર તાલુકામાં 21 મિમી નોંધાયો છે.વલસાડ જિલ્લાના અન્ય તાલુકાઓમાં ઉમરગામમાં 9 મિમી, વાપીમાં 6 મિમી, કપરાડામાં 3 મિમી અને પારડીમાં 1 મિમી વરસાદ નોંધાયો છે. વલસાડ તાલુકામાં કોઈ વરસાદ નોંધાયો નથી.
મધુબન ડેમના ઉપરવાસના 6 ગામોમાં છેલ્લા 24 કલાકમાં કુલ 63.40 મિમી વરસાદ નોંધાયો છે. આ ગામોમાં સરેરાશ 10.57 મિમી વરસાદ પડયો છે. વરસાદને કારણે મધુબન ડેમનું લેવલ 71.65 મીટર સુધી પહોંચ્યું છે. ડેમમાં 9,229 ક્યુસેક પાણીની આવક થતાં 3 દરવાજા 0.80 મીટર ખોલવામાં આવ્યા છે. હાલમાં દમણગંગા નદીમાં 9,733 ક્યુસેક પાણી છોડવામાં આવી રહ્યું છે.
ચાલુ મોસમમાં 1 જૂનથી અત્યાર સુધીમાં જિલ્લામાં સરેરાશ 1,193.67 મિમી વરસાદ નોંધાયો છે. તાલુકાવાર વરસાદની વિગતો જોઈએ તો કપરાડામાં સૌથી વધુ 1,627 મિમી, ધરમપુરમાં 1,267 મિમી, વાપીમાં 1,209 મિમી, ઉમરગામમાં 1,059 મિમી, પારડીમાં 1,075 મિમી અને વલસાડમાં 925 મિમી વરસાદ નોંધાયો છે.
હવામાન વિભાગે વલસાડ જિલ્લા, દાદરા નગર હવેલી અને દમણ સહિત દક્ષિણ ગુજરાતમાં ભારે પવન સાથે વરસાદની આગાહી કરી છે.
