નર્મદા: કોરોનાના છૂટાછવાયા કેસો ફરી નોંધાતા નર્મદા જિલ્લાના આરોગ્ય તંત્રે વ્યાપક તૈયારીઓ કરી છે. જિલ્લામાં કુલ 35 આરોગ્ય સંસ્થાઓમાં 792 બેડની વ્યવસ્થા કરવામાં આવી છે. આમાંથી 615 ઓક્સિજન બેડ અને 25 ICU બેડ છે.GMERS મેડિકલ કોલેજમાં 354 બેડ છે. જેમાં 220 ઓક્સિજન અને 25 ICU બેડનો સમાવેશ થાય છે.
સબ ડિસ્ટ્રિક્ટ હોસ્પિટલમાં 150 બેડ છે, જેમાંથી 117 ઓક્સિજન બેડ છે. કોમ્યુનિટી હેલ્થ સેન્ટરમાં 120 બેડ છે, જેમાંથી 110 ઓક્સિજન બેડ છે. પ્રાથમિક આરોગ્ય કેન્દ્રમાં 162 ઓક્સિજન બેડ અને અર્બન હેલ્થ સેન્ટરમાં 6 ઓક્સિજન બેડની સુવિધા ઉપલબ્ધ છે.જિલ્લામાં 12 PSA પ્લાન્ટ અને 12 ઓક્સિજન ટેંક છે.822 જંબો સિલિન્ડર, 131 વેન્ટિલેટર અને 299 ઓક્સિજન કોન્સન્ટ્રેટર ઉપલબ્ધ છે.
આ ઉપરાંત 4 HFNC મશીન, 43 મલ્ટી પારા મોનિટર અને અન્ય આવશ્યક ઉપકરણો પણ તૈયાર રખાયા છે.GMERS મેડિકલ કોલેજ રાજપીપલા, SDH ગરુડેશ્વર અને દેડિયાપાડામાં RT-PCR લેબોરેટરી છે. 2660 ટ્રિપલ લેવલ માસ્ક, 4898 N-95 માસ્ક અને 9518 PPE કિટ ઉપલબ્ધ છે. ઓસેલ્ટામિવિર દવાના વિવિધ ડોઝ, 500 VTM કિટ અને 300 એન્ટિજેન કિટનો પૂરતો જથ્થો પણ રાખવામાં આવ્યો છે.
