વલસાડ: વલસાડ જિલ્લામાં ગરમીનો પારો ઊંચો જવાની આગાહી કરવામાં આવી છે. હવામાન વિભાગ મુજબ, ધરમપુર તાલુકામાં મહત્તમ તાપમાન 38 ડિગ્રી અને કપરાડા તાલુકામાં 36 ડિગ્રી સુધી પહોંચશે. ગઈકાલની સરખામણીમાં ધરમપુરમાં 2 ડિગ્રી અને કપરાડામાં 1 ડિગ્રીનો વધારો નોંધાયો છે. વલસાડ શહેરમાં મહત્તમ તાપમાન 34 ડિગ્રી રહેશે. વાપી, પારડી અને ઉમરગામ તાલુકામાં તાપમાન ગઈકાલ જેટલું જ રહેશે.
જિલ્લાના તમામ તાલુકાનું તાપમાન આ મુજબ છે
• વલસાડ અને પારડી: મહત્તમ 34 ડિગ્રી, લઘુતમ 22 ડિગ્રી
• વાપી: મહત્તમ 35 ડિગ્રી, લઘુતમ 22 ડિગ્રી
• ઉમરગામ: મહત્તમ 32 ડિગ્રી, લઘુતમ 23 ડિગ્રી
• ધરમપુર: મહત્તમ 38 ડિગ્રી, લઘુતમ 21 ડિગ્રી
• કપરાડા: મહત્તમ 36 ડિગ્રી, લઘુતમ 19 ડિગ્રી
વહીવટી તંત્રએ બપોરે 12થી 5 દરમ્યાન જરૂરી કામ સિવાય બહાર ન નીકળવા સૂચના આપી છે. હિટ સ્ટ્રોકથી બચવા ઠંડા પાણી, છાશ, લીંબુ પાણી, લસ્સી અને ORSનો ભરપૂર ઉપયોગ કરવાની સલાહ આપવામાં આવી છે. આખી બાંયના સુતરાઉ કપડાં પહેરવાની પણ સલાહ આપવામાં આવી છે. પશુપાલકોને પશુ-પક્ષીઓ માટે પાણી અને છાયાની વ્યવસ્થા કરવા અપીલ કરવામાં આવી છે.
