ગુજરાત: બિન-નિવાસી ગુજરાતીઓ વિશેષ અધિકારપૂર્વક ગુજરાત સરકાર અને તેના નિયંત્રણ હેઠળની સંસ્થાઓ સાથે માહિતી અને વિચારોનું આદાન-પ્રદાન કરી શકે તથા સરકારે નિયત કરેલા ખાસ લાભો મેળવી શકે તે માટે ગુજરાત સરકાર દ્વારા ‘ગુજરાત-કાર્ડ’ આપવાની યોજના શરૂ કરવામાં આવી છે.
ગુજરાત-કાર્ડના ઉદ્દેશો
- બિન નિવાસી ગુજરાતીઓને સરકારની કચેરી અથવા તેના નિયંત્રણ હેઠળની કચેરીઓમાં વારંવાર ધક્કા ન ખાવા પડે તેની ખાતરી કરવી
- બિન નિવાસી ગુજરાતીઓના પ્રશ્નોનું નિરાકરણ સમયસર નિયત મર્યાદામાં કરવું
- નાના મોટા પ્રશ્નોની રજૂઆતમાં તેમની ફરિયાદોનું નિરાકણ કરવું
- પ્રવાસન ક્ષેત્રે ખાસ છૂટછાટો આપીને બિન નિવાસી ગુજરાતીઓને ગુજરાતના પ્રવાસ માટે પ્રોત્સાહન પૂરું પાડવું
‘ગુજરાત-કાર્ડ’ મેળવવાના ફાયદા
- ‘ગુજરાત-કાર્ડ’ ધારકોને ગુજરાત સરકાર થતા તેમના નિયંત્રણ હેઠળની સંસ્થાઓમાં માહિતી મેળવવા અગ્રતા પ્રાપ્ત થાય છે.
- ‘ગુજરાત કાર્ડ’ ધારક બિન નિવાસી ગુજરાતીઓ જ્યારે સરકારી કચેરી અથવા તેમના નિયંત્રણ હેઠળની સંસ્થાઓ પાસેથી માહિતી માંગે કે રજૂઆત કરે ત્યારે તેમને અગ્રિમતા આપવામાં આવે છે.
- ગુજરાત પ્રવાસન નિયમ હસ્તકના તોરણ (અતિથિ ગૃહ)માં ગુજરાત કાર્ડ ધારકને નિયત ચાર્જમાં 20 ટકા વળતર આપવામાં આવે છે.- ગુજરાત કાર્ડ ધારકો હોટલ, જેમ્સ એન્ડ જવેલર્સ, મુખ્ય હોસ્પિટલ, બેન્કિંગ અને ફાઇનાન્સ સંસ્થાઓ, રિયલ એસ્ટેટ સેક્ટર સહિત 763 સ્થળો 20% થી 30% ડિસ્કાઉન્ટ મેળવી શકે છે.
- નવરાત્રી મહોત્સવ, આંતરરાષ્ટ્રીય પતંગોત્સવ જેવા કાર્યક્રમોમાં ‘ગુજરાત કાર્ડ’ ધારકને અગ્રતાના ધોરણે પ્રવેશ આપવામાં આવે છે.
- બિન-નિવાસી ગુજરાતીઓએ રાજ્યમાં જે ઇલેક્ટ્રિક બિલ ભરવાના થાય તેની મુદતમાં ‘ગુજરાત કાર્ડ’ ધારકોને એક માસની વધારાની છૂટ આપવામાં આવે છે.
- બિન-નિવાસી ગુજરાતીઓની જમીન, શૈક્ષણિક સંસ્થાઓમાં પડતી મુશ્કેલી વગેરેને રજૂઆત માટે સરકાર દ્વારા ગુજરાત કાર્ડ ધારકને અલગ અગ્રતા આપીને તેમના પ્રશ્નોનો અગ્રતાના ધોરણે નિકાલ કરવામાં આવે છે.
‘ગુજરાત-કાર્ડ’ મેળવવા માટે જરૂરી પાત્રતા
- ભારતની બહાર કે ગુજરાતની બહારના ભારતના અન્ય રાજ્યોમાં હોય તે બધાજ બિન નિવાસી ગુજરાતીઓ ‘ગુજરાત કાર્ડ’ ધારણ કરી શકશે.
‘ગુજરાત કાર્ડ’ મેળવવા માટે અરજી કરવાની પ્રક્રિયા
- સૌ પ્રથમ બ્રાઉઝરના URL માં https://nri.gujarat.gov.in/in ટાઇપ કરો.
- આ વેબસાઇટના હોમ પેજ પર જોવા મળતાં Online Gujarat Card Application For NRGs ઉપર..
- અહીં ક્લિક કરવાથી એક અરજી ફોર્મ ખુલશે, તેમાં માંગવામાં આવેલી તમામ વિગતો દાખલ કરો.
