ધરમપુર: લોકમંગલમ્ ચેરીટેબલ ટ્રસ્ટ, ખોબા, ગોપાલ ચેરીટેબલ ટ્રસ્ટ, સુરત અને રોટરી ક્લબના સહયોગથી આરોગ્યલક્ષી સેવાઓના વિકાસ માટે એક નવી પહેલ હાથ ધરવામાં આવી છે. આ પહેલ હેઠળ ઓઇલ એન્ડ નેચરલ ગેસ કોર્પોરેશન (ONGC), હજીરાએ પોતાના (CSR) સામાજિક જવાબદારી કાર્યક્રમના ભાગરૂપે એમ્બ્યુલન્સ પ્રદાન કરી છે.
Decision News ને મળેલી માહિતી મુજબ આ એમ્બ્યુલન્સ આધુનિક સુવિધાઓથી સજ્જ છે અને તેને ખાસ કરીને મેડિકલ કેમ્પ અને દર્દીઓને ત્વરિત સારવાર આપવા અને સમયસર હોસ્પિટલ પહોંચાડવા માટે ઉપયોગમાં લેવાશે. આ સેવા અંતરીયાળ ડુંગરાળ ગ્રામિણ વિસ્તારોમાં આરોગ્યલક્ષી પ્રવૃત્તિઓ માટે ઉપલબ્ધ રહેશે.
લોકમંગલમ્ ચેરીટેબલ ટ્રસ્ટ, ખોબાનાં પ્રતિનિધિઓએ એમ્બ્યુલન્સનું ઉત્સાહ ભેર સ્વાગત કર્યું હતું.. લોકમંગલમ ટ્રસ્ટના સંસ્થાપક નિલમ પટેલજીએ આ પ્રસંગે જણાવ્યું કે આ પ્રયાસથી આરોગ્યલક્ષી સેવાઓને વધુ પ્રભાવશાળી બનાવવા માટે સહકાર અને સમર્પણનું સુંદર ઉદાહરણ રજૂ થયું છે. નવી એમ્બ્યુલન્સ લોકો માટે એક આશીર્વાદરૂપ બનશે અને આરોગ્યલક્ષી સેવાઓને વધુ સારી બનાવવામાં મદદરૂપ બનશે.
