નર્મદા: ગતરોજ આમલેથા પોલીસ સ્ટેશનમાં ફરજ બજાવતા રાઇટરે ફરીયાદીના પુત્ર તથા તેમના મિત્ર ખામરથી રાણીપરા ગામે જતો હતો. તે વખતે બાઈક વિરપોર બસ સ્ટેન્ડની નજીકમાં ખાડામાં પડી જતા તેમનો પુત્ર તથા બાઈક પાછળ બેસેલ તેનો મીત્ર સમીર પ્રેમાભાઇ વસાવા બંન્ને રોડની સાઇડમાં પડી ગયા બાદ સારવાર માટે રાજપીપલા હોસ્પીટલમાં દાખલ કરેલ હતા.
Decision News ને પ્રાપ્ત થયેલી વિગતો મુજબ ફરીયાદીના પુત્રના મીત્ર સમીર પ્રેમાભાઇ વસાવાને માથાના ભાગે ઇજાઓ થયેલ હતી. જેથી તેને વધુ સારવાર માટે વડોદરા રીફર કરેલ હતો અને ફરીયાદીના દિકરાને શરીરે ગંભીર ઇજા બાદ તેની સારવાર ચાલુ હતી. તે દરમીયાન તા. 7 જુલાઈ 2023ના રોજ તેમના પુત્રના મિત્ર સમીર વસાવાનું મોત થયું હોય તે બાબતે આમલેથા પોલીસ સ્ટેશનમાં ફરિયાદીના દિકરા વિરૂદ્ધ ગુનો દાખલ થયો હતો. જેથી તે ગુનામાં ફરીયાદીના દિકરાને આમલેથા પોલીસ સ્ટેશનમાં અટક કરવામા આવ્યો અને તેની મોટર સાયકલ પણ આમલેથા પોલીસ સ્ટેશનમાં કબ્જે કરવામાં આવી હતી.
આ બનાવમાં ફરીયાદી તથા તેમનો પુત્ર બાઈક છોડાવવા જતા પોલીસ સ્ટેશનના રાયટર મનોજ વિઠ્ઠલભાઈ તડવી (રહે.પુરાણી પાર્ક, રાજપીપળા)એ રૂ.40 હજારની માંગણી કરતા રકઝકના અંતે 10 હજાર રૂપીયા આપવાના નક્કી કર્યા બાદ આ લાંચની રકમ ફરીયાદી આપવા માંગતા ન હોય જેથી ફરીયાદીએ એ.સી.બી.નો સંપર્ક કરી ફરીયાદ આપતા લાંચનું છટકુ ગોઠવતા આરોપી રાઉટરે ફરીયાદી પાસે લાંચ પેટે રૂ.10 હજાર સ્વીકારી પકડાઇ જતાં નર્મદા એ.સી.બી.એ તેને ડીટેન કરી આગળની કાર્યવાહી હાથ ધરી છે.
