ધરમપુર: આજરોજ ધરમપુર વિધાનસભા બેઠક પર કોંગ્રેસ દ્વારા કિશન પટેલનું ઉમેદવાર તરીકે જાહેરાત કરતા કોંગ્રેસમાં હાલમાં જ જોડાયેલા ધરમપુરના અપક્ષ સદસ્ય કલ્પેશ પટેલએ વિરોધનો શૂર ઉપાડયો હતો અને અપક્ષ તરીકે ઉમેદવારી કરી વિધાનસભાની ચુંટણી લડવાની ઘોષણા કરી છે.
Decision Newsને મળેલી માહિતી મુજબ ધરમપુર બેઠક પર ઉમેદવાર નક્કી કરવાને લઈને ખુબ જ સંભવિત ઉમેદવારો સામસામે આવી ગયા હતા. અને કોંગ્રેસના રાજકીય વાતાવરણ ગરમાવો આવ્યો હતો ત્યારે આજે કોંગ્રેસની નવી જાહેર કરાયેલી યાદીમાં કિશન પટેલનું નામ ફાઈનલ થયું છે. ત્યારે તાજેતર જોડાયેલા કલ્પેશ પટેલ ખાસ્સા નારાજ થયા છે અને અપક્ષમાંથી ઉમેદવારી કરવાનો નિર્ણય કર્યો છે.
ધરમપુર બેઠક પર ભાજપ, કોંગ્રેસ અને આમ આદમી પાર્ટી ચૂંટણી જીત માટે રાજકીય બેઠકોનો દાવપેચ શરૂ કરી દીધો છે. ત્યારે હવે જોવું રહ્યું કે કલ્પેશ પટેલને અપક્ષમાંથી કેટલું જનસમર્થન મળે છે અને ધરમપુર બેઠક પર કોણ વિજયી બને છે.
