ધરમપુર: ગતરોજ સહ્યાદ્રીની ગિરિમાળામાં આવેલ ધરમપુરના જંગલોમાં પીપરોળ ડુંગર પર જાયન્ટ્સ ગ્રૂપ ઑફ વલસાડ, લોકમંગલમ ચેરીટેબલ ટ્રસ્ટ, ખોબા, ધરમપુર, સુરતની અન્ય સંસ્થાઓ અને દ્વારા વૃક્ષારોપણનો સયુંકત કાર્યક્રમ યોજાયો હતો.
Decision Newsને મળેલી માહિતી મુજબ લોકમંગલમ ચેરીટેબલ ટ્રસ્ટ, ખોબા ધરમપુર, સુરતની સંસ્થાઓ તથા ફોરેસ્ટ ડિપાર્ટમેન્ટ દ્વારા જે ડુંગર ઉપર વૃક્ષો નથી ત્યાં વૃક્ષારોપણ કાર્યક્રમનું એક અભિયાન ચાલી રહ્યું છે. જેમાં ધરમપુરના જંગલોમાં પીપરોળ ડુંગર પર જંગલ ઊભું કરવામાં આવી રહ્યું છે. જેણે લઈને અવારનવાર અહી વૃક્ષારોપણ કરવામાં આવતું હોય છે.
આ અભિયાનના ભાગરૂપે કાજુ, બદામ , આમલી, વડ, પીપળો, દાડમ, બહેડા, સાદડ, સાગ જેવાં 400 જેટલાં રોપાં પીપરોળ ડુંગરે અમારાં જાયન્ટ્સ ગ્રૂપ ઑફ વલસાડ દ્વારા રોપવામાં આવ્યા.
