ધરમપુર: ગતરોજ ધરમપુર તાલુકાના આદિવાસી વિસ્તારમાં શિક્ષણને પ્રોત્સાહન આપવા માટે આદિવાસી ધોડિયા ચેરીટેબલ ટ્રસ્ટ દ્વારા સતત પ્રયાસો કરવામાં આવી રહ્યા છે. આ ક્રમમાં તાજેતરમાં ફૂલવાડી વર્ગ શાળામાં વિના મૂલ્યે નોટબુકનું વિતરણ કરવામાં આવ્યું હતું.
Decision News સાથે વાત કરતાં ટ્રસ્ટના ટ્રસ્ટી રાહુલભાઈ પટેલે જણાવ્યું કે, “આદિવાસી વિસ્તારના બાળકોને શિક્ષણ માટેની મૂળભૂત સુવિધાઓ પૂરી પાડવી એ અમારું મુખ્ય ધ્યેય છે. નોટબુક વિતરણ એવા અનેક કાર્યક્રમોમાંનું એક છે જેના દ્વારા અમે વિદ્યાર્થીઓને અભ્યાસમાં સહાયરૂપ થવાનો પ્રયાસ કરીએ છીએ.”
આ કાર્યક્રમમાં શાળાના વિદ્યાર્થીઓએ ખૂબ જ ઉત્સાહથી ભાગ લીધો હતો. ટ્રસ્ટ ભવિષ્યમાં પણ આવા વધુ કાર્યક્રમો યોજીને આદિવાસી બાળકોના શિક્ષણને વધુ મજબૂત બનાવવાનો સંકલ્પ ધરાવે છે. આ પ્રવૃત્તિ સમાજસેવાના ક્ષેત્રમાં ટ્રસ્ટના સતત પ્રયાસોને પ્રતિબિંબિત કરે છે.
