મહુવા: ગતરોજ મહુવા તાલુકાના જે જે ગામોમાંથી પાવર ગ્રીડ તથા જેટકોની ટ્રાન્સમિશન લાઈન પસાર થઈ રહી છે તે ગામના ખેડૂતોને માર્ગદર્શન આપવા માટે ખેડૂત સમાજ ગુજરાતના નેજા હેઠળ મીયાપુર ખાતે મિટિંગનું આયોજન કરવામાં આવ્યું હતું..
આદિવાસી સમાજના આગેવાન કુંજનભાઈએ જેમાં અસરગ્રસ્ત ખેડૂતોને ગુજરાત ખેડુત સમાજ ના પ્રમુખ જયેશ ભાઇ દ્વારા વળતર ને લઈ ખેડૂતો ના પ્રશ્નો બાબતે તેમજ કાયદાકીય રીતે આવનારા સમય માં એક થઇ ને લડવાની વાત કરી હતી.પોલીસ થી પણ ડરવાની જરૂર નથી એમ ભારપૂર્વક કહ્યું હતું.. જો બળજબરી પૂરવ જમીન ઉપર કબજો કરે તો પ્રશાસન ઉપર પણ કાયદાકીય કાર્યવાહી કરીશું જ એવી બાહેધરી પણ એમણે આપી હતી..
તેમણે વધુમાં કહ્યું કે હવે ધીરે ધીરે મહુવા તાલુકામાં આદિવાસી સમાજના સુખચેન થી જીવતા આવતા લોકોને વિવિધ પ્રોજેક્ટો આવતા અને પોતાના હક અધિકારો છીનવાતાં સમજ પડશે કે કેમ આપણે સૌએ વર્તમાન સમયમાં જાગૃત થવાની જરૂર છે..
