વાંસદા: આજરોજ ખારેલ ગ્રામ સેવા ટ્રસ્ટ દ્વારા ખાંભલા ગામમાં નિ:શુલ્ક તબીબી અને સારવાર શિબિરનું આયોજન કરવામાં આવ્યું હતું. જેમાં મોટી સંખ્યામાં આદિવાસી મહિલા-પુરુષ લાભાર્થીઓએ જિલ્લાના નિષ્ણાંત ડોકટરો પાસેથી તબીબી સેવાઓનો લાભ લીધો હતો.
DECISION NEWS ને પ્રાપ્ત થયેલી વિગત અનુસાર વાંસદા તાલુકાના ખાંભલા ગામની મુખ્ય પ્રાથમિક શાળામાં નિ:શુલ્ક તબીબી અને સારવાર શિબિરનું આયોજન કરવામાં આવ્યું હતું. જેમાં વિવિધ રોગ જેવા કે માનસિક રોગના નિષ્ણાંત, હાડકાના નિષ્ણાંત, આખાના રોગના નિષ્ણાંત, બાળ રોગ નિષ્ણાંત, ચામડીના રોગોના નિષ્ણાંતોએ તબીબો દ્વારા નિદાન અને સારવાર પૂરી પાડવામાં આવી હતી. આ હેલ્થ મેળામાં મોટી સંખ્યામાં આદિવાસી લાભાર્થીઓએ નિષ્ણાંત તબીબી સેવાઓનો લાભ લીધો.
આ સારવાર શિબિરમાં ખારેલ ગ્રામ સેવા ટ્રસ્ટ દાતા નયનાબેન, દિનેશભાઈ છોટુભાઈ શાહ અને વિવિધ રોગોના નિષ્ણાંત તબીબોની ટીમ હાજર રહી હતી. તેમજ આસપાસના ગ્રામ્ય વિસ્તારના લોકો મોટીસંખ્યામાં ઉપસ્થિત રહ્યા હતા.
