કપરાડા: પાંચ રાજ્યોની ચૂંટણીમાં પંજાબ ખાતે આમ આદમી પાર્ટીનો ભવ્ય વિજય થતા કપરાડા તાલુકાના વારોલી તલાટ ગામમાં આમ આદમી પાર્ટીના કાર્યકર્તાઓ દ્વારા ફટાકડા ફોડી અને એક બીજાનું મોં મીઠું કરાવી વિજયોત્સવ મનાવ્યો હતો.
Decision Newsને મળેલી માહિતી મુજબ પાંચ રાજ્યોમાં હાલમાં જ યોજાયેલ ચૂંટણી બાદ આજે તેમની મતગણતરી હાથ ધરાઈ હતી, જેમાં પંજાબમાં આમ આદમી પાર્ટીનો વિજય થતાં, કપરાડા તાલુકાના વારોલી તલાટ ગામના કપરાડા તાલુકા પ્રમુખ રાજેશભાઈ રાઉતના નિવાસસ્થાને આમ આદમી પાર્ટીના કાર્યકરોએ ફટાકડા ફોડીને સેલિબ્રેશન કર્યું હતું
આ પ્રસંગે આમઆદમી પાર્ટીના જિલ્લા સહ સંગઠન મંત્રી વિનોદભાઈ પટેલ, તાલુકા પ્રમુખ રાજેશભાઈ રાઉત, ઉપપ્રમુખ દિવ્યેશભાઈ પટેલ, તાલુકા મંત્રી સલમાનભાઈ ફડવળ, તાલુકા સંઘઠન મંત્રી વિજયભાઈ મુહડકર, ઉમલી જૂથ ગ્રામપંચાયતના સરપંચ વિનોદભાઈ ગીનધળીયા, વાડધા મનાલા જૂથ ગ્રામપંચાયતના સરપંચ જ્યેન્દ્રભાઈ ગાવીત સાથે મોટી સંખ્યામાં કાર્યકરો ઉપસ્થિત રહ્યા હતા.
