રાયપુરમાં વિસ્ફોટના કારણે સેન્ટ્રલ રિઝર્વ પોલીસ ફોર્સના છ જવાનો ઘાયલ થયા છે. આમાંથી એક જવાનની હાલત નાજુક છે. જેમને રાયપુરની હોસ્પિટલમાં દાખલ કરવામાં આવ્યા છે. રાયપુર રેલવે સ્ટેશન પર ઇગ્નીટર સેટ ધરાવતા બોક્સના પડવાના કારણે અકસ્માત થયો હતો. બ્લાસ્ટને કારણે આસપાસના લોકો પણ ચોંકી ગયા હતા. સદનસીબે, વિસ્ફોટ બહુ શક્તિશાળી ન હતો, નહીં તો મોટો અકસ્માત થઇ શક્યો હોત.
રાયપુર રેલવે સ્ટેશન પર CRPF ના જવાનોને લઈ જતી ખાસ ટ્રેનમાં આ વિસ્ફોટ થયો હતો. માહિતી અનુસાર, ટ્રેનમાં ઇગ્નીટર સેટ ધરાવતું બોક્સ ફ્લોર પર પડી ગયું હતું, બાદમાં તે વિસ્ફોટ થયું હતું. વિસ્ફોટના કારણે છ લોકો ઘાયલ થયા છે. જોકે આ વિસ્ફોટ બહુ શક્તિશાળી નહોતો. આમ છતાં રેલવે સ્ટેશન પર હાજર લોકો બ્લાસ્ટનો અવાજ સાંભળીને ચોંકી ગયા હતા. જો કે, બાદમાં ઘટનાની જાણ થતાં લોકોએ રાહતનો શ્વાસ લીધો હતો.
વિસ્ફોટના કારણે ટ્રેનમાં મુસાફરી કરતા છ જવાન ઘાયલ થયા હતા. આ ઘટના સવારે સાડા છ વાગ્યાની આસપાસ બની હતી. સીઆરપીએફના જવાનોને લઈને ખાસ ટ્રેન ઝારસુગુડાથી જમ્મુ તાવી જઈ રહી હતી. વિસ્ફોટ સમયે ટ્રેન રાયપુર રેલવે સ્ટેશન પર ઉભી હતી. આ ઘટનામાં ઘાયલ થયેલા છ પૈકી એક જવાનની હાલત નાજુક છે, જેને રાયપુરની નારાયણ હોસ્પિટલમાં દાખલ કરવામાં આવ્યો છે.
