મુંબઈના બાંદ્રા-કુર્લા કોમ્પ્લેક્સમાં આ અકસ્માત થયો હતો. આ કોમ્પ્લેક્સના નિર્માણ હેઠળના પુલનો એક ભાગ તૂટી પડયો છે, જેમાં 13 કામદારો ઘાયલ થયા છે. તમામ ઘાયલ કામદારોને વી.એન. દેસાઈ હોસ્પિટલમાં દાખલ કરવામાં આવ્યા છે. ઘટનાસ્થળે રાહત અને બચાવ કાર્ય ચાલી રહ્યું છે. આ દુર્ઘટના સવારે 4.30 વાગ્યાની આસપાસ બની હતી. અકસ્માતના કારણની તપાસ ચાલુ છે.
Mumbai: A portion of under-construction flyover connecting BKC main road & Santa Cruz–Chembur Link Road collapsed around 4:30 am. 13 people have sustained minor injuries & have been shifted to a hospital. There is no life loss & no person is missing: DCP (Zone 8) Manjunath Singe pic.twitter.com/26TjBSRi3N
— ANI (@ANI) September 17, 2021
મુંબઈ પોલીસના ડીસીપી મંજુનાથ સિંઘેએ જણાવ્યું હતું કે 60 મીટર લાંબા એલિવેટેડ બ્રિજ પર કામ ચાલી રહ્યું છે, જે અહીં વીકેસી અને એચસીએલઆર રોડને જોડતો પુલ છે.
બ્રિજનું વેસ્ટ ટેસ્ટિંગ ચાલી રહ્યું હતું. આ અકસ્માત સવારે 4.20 વાગ્યે થયો હતો. તે સમયે કુલ 24 મજૂરો કામ કરી રહ્યા હતા. તેમાં બે એન્જિનિયર અને બે સુપરવાઇઝર પણ હતા. 13 લોકોને નાની -મોટી ઇજાઓ પહોંચી છે. હોસ્પિટલના ડોક્ટરોએ કહ્યું કે તમામ ઘાયલોની હાલત સ્થિર છે. આ ફ્લાયઓવર સાન્તાક્રુઝ-ચેમ્બુર લિંક રોડ પર બનાવવામાં આવી રહ્યો છે. આ પૂર્વ-પશ્ચિમ લિંક અને બી.કે.સી વિસ્તારમાં ટ્રાફિકનું દબાણ ઘટાડશે.
