આહવા: આહવા જિલ્લાના શામગહાનથી આહવા વચ્ચે આવતા વિહીરઆંબા-કાહડોળઘોડી ગામ નજીકનાં ઘાટ માર્ગમાં પેસેન્જર વાળી માર્શલ જીપ પલ્ટી મારી જતા ગંભીર અકસ્માત સર્જાયો હતો જેમાં ૧૦ જેટલા મુસાફરોને ઈજા થવા પામી હતી.
મળતી માહિતી પ્રમાણે રવિવારે ગલકુંડનાં વનારથી પેસેન્જરો ભરી આહવા તરફ જઈ રહેલ માર્શલ જીપ. ન. GJ. 09. એમ. 7947 જેનો શામગહાનથી આહવાને સાંકળતા રાષ્ટ્રીય ધોરીમાર્ગનાં વિહીરઆંબા- કાહડોળ ઘોડી ઘાટમાર્ગમાં અચાનક બ્રેક ફેઈલ થઈ જતા ચાલકે સ્ટેયરીંગ પરનો કાબૂ ગુમાવી દેતા આ જીપ પલ્ટી મારી ગંભીર અકસ્માત સર્જાયો હતો.
આ બનાવમાં જીપમાં સવાર 10થી વધુ પેસેન્જરોને શરીરનાં ભાગે નાની-મોટી ઇજાઓ પોહચતા તેઓને 108 એમ્બ્યુલન્સ મારફતે તાત્કાલીક સારવારનાં અર્થે આહવા સિવિલ હોસ્પિટલમાં ખસેડવાની તજવીજ હાથ ધરાઈ હતી.
