માંડવી: માંડવીના બલેઠી ગામની આદિમજુથની મહિલા સંગીતાબેન ચૌધરીનો ગૃહિણીથી ઉદ્યોગસાહસિક સુધીનો સફર વિષે જાણશો તો મજા આવી જશે વિસડાલીયા રૂરલ મોલના સહકારથી સંગીતાબેન ચૌધરી બન્યા આત્મનિર્ભર બન્યા છે. વિસડાલિયા ખાતે સ્થાપિત દેશના પ્રથમ રૂરલ મોલે માંડવી તાલુકાની મહિલાઓને આપ્યો આજીવિકાનો નવો માર્ગ ચીંધ્યો છે.
DECISION NEWS ને મળેલી માહિતી મુજબ વન વિભાગના સહકારથી શરૂ કરાયેલ ‘વનશ્રી’ રેસ્ટોરન્ટમાં સંગીતાબેન ચૌધરી પોતે તો આત્મનિર્ભર બન્યા જ પણ હાલમાં તેઓ બીજા સાતથી વધુ કારીગરોને પ્રાપ્ત થયો રોજગાર પણ આપી રહ્યા છે બોલો.. સશક્ત મહિલા દ્વારા જ સશક્ત સમાજનું નિર્માણ શક્ય બને છે.આ વાત આજે સંગીતાબેન ચૌધરી જમીની હકીકત બનાવી છે.
ગુજરાતના આદિવાસી વિસ્તારની નારીઓએ પોતાની હિંમત, હસ્તકલા અને મહેનતના થકી જીવનમાં નવી દિશાનો સંચાર કર્યો. આવા જ પ્રેરણાદાયી ઉદાહરણરૂપ છે, માંડવી તાલુકાના બલેઠી ગામના સંગીતાબેન જિગ્નેશભાઈ ચૌધરી, જેઓ પહેલા માત્ર ગૃહિણી તરીકે ઘરકામ કરતા હતા, પરંતુ મનમાં આત્મનિર્ભર બનવાની ઝંખના હતી. પોતાના પ્રયત્નોને દિશા આપતાં તેમને વિસડાલીયામાં ઉભેલા દેશના પ્રથમ ‘રૂરલ મોલ’ વિશે જાણકારી મળી અને અહીંથી તેમના જીવનનો નવો અધ્યાય શરૂ થયો.
