સુરત: ગુજરાત કોંગ્રેસના MLA જિગ્નેશ મેવાણી દ્વારા ડ્રગ્સ અને ગાંજાના વેચાણ મુદ્દે ગુજરાતમાં ચર્ચાનો વંટોળમાં સુરતમાં ભાજપના એક ધારાસભ્ય જ કહે છે કે શહેરમાં ખુલ્લેઆમ ચાલી રહેલા ડ્રગ્સ-ગાંજા વેચાણ થઈ રહ્યું છે. આ ગેરકાયદે ધંધા પાછળ કામ કરતા નેટવર્ક સામે કડક કાર્યવાહી તથા દબાણો દૂર કરવા સ્પષ્ટ માંગ કરી છે.
ધારાસભ્યએ જણાવ્યું કે સુરતના કેટલાક વિસ્તારોમાં શાળા-કોલેજ નજીક, ગલીઓ અને જાહેર સ્થળોએ નશીલા પદાર્થોનું વેચાણ બેખૌફ રીતે થઇ રહ્યું છે. સ્થાનિક યુવાઓ અને વિધાર્થીઓ નશાની ગાળામાં ફસાઈ રહ્યા છે, જે સામાજિક ભવિષ્ય માટે ગંભીર ચેતવણી છે. ધારાસભ્યે આરોપ લગાવ્યો કે આ ધંધો ચલાવતા તત્વોને સ્થાનિક સ્તરે રાજકીય-આર્થિક દબાણો મળતા હોવાના સંકેતો છે, જેના કારણે પોલીસ અને તંત્ર પર પણ દબાણ ઉભું થાય છે.
આ સાથે MLAએ પોલીસ, SMC અને અન્ય એજન્સીઓને સંયુક્ત ડ્રાઇવ થલાવી ગેરકાયદે કબજા, છુપા અડ્ડા અને વેચાણના પોઇન્ટ્સ તોડી પાડવા અલ્ટીમેટ રીતે કાર્ય શરૂ કરવાની રજૂઆત કરી છે. સામાજિક સંગઠનો પણ શહેરમાં વધતી નશાની પ્રવૃત્તિ સામે તાત્કાલિક પગલાં લેવા માંગ કરી રહ્યા છે. ભાજપના MLAનું આ નિવેદન હવે સુરતમાં નશા વિરોધી રાજકીય અને જન આંદોલનનો નવો વળાંક માનવામાં આવી રહ્યો છે.
