ડેડીયાપાડા: લોખંડી પુરુષ સરદાર પટેલ સાહેબની 150 મી જન્મજયંતિ નિમિતે ડેડીયાપાડા વિધાનસભાની યુનિટી માર્ચનું આયોજન કરવામાં આવ્યું, જે પદયાત્રામાં ઉપસ્થિત રહીને સરદાર સાહેબના વિચારોને વાગોળ્યા તથા એકતાનો સંદેશો આપ્યો.
સરદાર પટેલ સાહેબે એ સમયે દેશનું નેતૃત્વ લઇ દેશને આઝાદી અપાવવા માટે અનેક સત્યાગ્રહો કર્યા હતા અને આ સત્યાગ્રહો થકી આજે આપણે આઝાદીના મીઠા ફળ આરોગી રહ્યા છીએ.સરદાર સાહેબના વિચારોને લોકો સમક્ષ લઈ જવા અને રાષ્ટ્ર નિર્માણમાં સરદાર પટેલની જે ભૂમિકા રહી છે તે ભૂમિકાને ઉજાગર કરવા યુનિટી માર્ચ પદયાત્રા યોજાઇ હતી. આ યાત્રાએ એક સુવર્ણ સ્મૃતિ-સેતુથી જોડ્યા. પ્રધાનમંત્રી શ્રી નરેન્દ્રભાઈ મોદીજીના નેતૃત્વમાં “એક ભારત, શ્રેષ્ઠ ભારત”ની સંકલ્પના સિધ્ધ થઇ હોય ત્યારે તેજ ગતિએ આગળ ધપતા “આત્મનિર્ભર ભારત” ધ્યેયને સાકાર કરવા સૌ સંકલ્પબધ્ધ થયા.
સામાજિક સશક્તિકરણ થી રાષ્ટ્રીય એકતા સુધી.આ પદયાત્રા દરેક નાગરિકમાં સ્વદેશી શક્તિ, સ્વાભિમાન અને વિકસિત ભારતના સંકલ્પની નવી ઊર્જાનો સંચાર કરશે. આ પદયાત્રામાં સ્થાનિક આગેવાનો, હોદ્દેદારો તથા મોટી સંખ્યામાં કાર્યકર્તાઓ અને નાગરિકોએ સહભાગી થઈ સરદાર સાહેબને ભાવાંજલિ અર્પણ કરી. સમગ્ર રાજ્યમાં ચૂંટણી પંચ દ્વારા મતદાર યાદી વિશેષ સુધારણા અભિયાન (SIR) ચલાવાઇ રહ્યું છે ત્યારે મતદાર યાદી સુધારણા અભિયાન (SIR)ને વધુ સુચિત અને અસરકારક બનાવવા અપીલ કરી. ચૂંટણી પ્રક્રિયામાં વધુમાં વધુ નાગરિકોના નામ ઉમેરાય, દરેક પાત્ર મતદાતાને સુવિધા મળે અને SIR અભિયાન સફળતાપૂર્વક પૂર્ણ થાય તે અંગે વિગતવાર માહિતી આપી.
