નવસારી: ગતરોજ નવસારી ખાણ ખનીજ વિભાગના નિવૃત ભૂસ્તરશાસ્ત્રી સંદિપ મધુકર ખોપકર વિરુદ્ધ 1,02,46,949 કરોડની કાયદેસરની આવકની સરખામણીમાં 62.13% જેટલી વધુ મિલકત મળી આવતાં ગુનો દાખલ કરવામાં આવ્યો છે.
સંદિપ મધુકર ખોપકર તત્કાલીન મદદનીશ ભૂસ્તરશાસ્ત્રી (વર્ગ-2) તરીકે નવસારી વિભાગમાં ફરજ પર હતા હાલમાં નિવૃત્ત છે તેમના વડોદરાના માંજલપુર વિસ્તારમાં બી-71, આમ્રપાલી સોસાયટીમાં આવેલ ધરમાં ACBને તપાસમાં 1 જાન્યુઆરી, 2009થી 30 નવેમ્બર, 2018 સુધીના પોતાના રાજ્ય સેવક તરીકેના કાર્યકાળ સમયે જાહેર સેવક તરીકે મળેલ સત્તાનો દુરુપયોગ કરી આર્થિક ફાયદા માટે ગેરકાયદેસર રીતે નાણાં મેળવ્યા અને તેનું રોકાણ સ્થાવર-જંગમ મિલકત વસાવી હતી. તપાસમાં જણાયું કે તેમણે મકાન, LIC, (PPF) એકાઉન્ટ અને પર્સનલ બેંક એકાઉન્ટ પરથી અલગ-અલગ જગ્યાએ રોકાણ કરેલું છે.
ACB ના અધિકારી આર. આર. ચૌધરીએ જણાવ્યું હતું કે, આ મિલકત તેમની કાયદેસરની કુલ આવક કરતાં 62.13% જેટલી વધુ છે, જેની રકમ 1,02,46,949 થાય છે. નવસારી ACB પોલીસ સ્ટેશન દ્વારા 1988ની કલમ 13(1)ઇ ગુનો નોંધાયો છે. તેમની 24 નવેમ્બરનાના રોજ ધરપકડ કરાઈ છે.
