વલસાડ: વલસાડ જિલ્લામાં છેલ્લા 24 કલાકમાં સૌથી વધુ પારડી તાલુકામાં 36 મિમી વરસાદ નોંધાયો છે. જિલ્લાના અન્ય વિસ્તારોમાં વલસાડ તાલુકામાં 26 મિમી, ધરમપુર તાલુકામાં 3 મિમી, કપરાડા તાલુકામાં 12 મિમી, ઉમરગામ તાલુકામાં 13 મિમી અને વાપી તાલુકામાં 19 મિમી વરસાદ નોંધાયો છે.
મધુબન ડેમના ઉપરવાસના 6 ગામોમાં છેલ્લા 24 કલાકમાં કુલ 48 મિમી વરસાદ પડયો છે. ડેમમાં 3,426 ક્યુસેક પાણીની આવક થઈ છે. આજે સવારે 10 કલાકે ડેમનું જળસ્તર 75.90 મીટરે પહોંચ્યું છે. ડેમનો એક દરવાજો 0.30 મીટર ખોલીને 2532 ક્યુસેક પાણી દમણગંગા નદીમાં છોડવામાં આવી રહ્યું છે.
હવામાન વિભાગે દક્ષિણ ગુજરાત, વલસાડ જિલ્લા અને દાદરા નગર હવેલી તથા દમણમાં ભારે પવન સાથે વરસાદની આગાહી કરી છે. આજે સવારના 10 વાગ્યા સુધીમાં વલસાડમાં 4 મિમી, પારડીમાં 1 મિમી અને ઉમરગામમાં 8 મિમી વરસાદ નોંધાયો છે.
