ધરમપુર: આજરોજ ધરમપુર તાલુકા ખાતે આદિવાસી નેતા વાંસદા ચીખલી ધારાસભ્યશ્રી અનંત પટેલની આગેવાનીમાં યુવાનો માટે રોજગારીની તકો ઊભી થાય તે માટે વિવિધ કંપની સાથે સંકલન કરી રોજગાર ભરતી મેળાનું આયોજન કરવામાં આવ્યું હતું.
આ કાર્યક્રમમાં કંપનીમાંથી આવેલ અધિકારીશ્રી દ્વારા યુવાનોના સ્થળ પર ઇન્ટરવ્યૂ લીધા હતા. મોટી સંખ્યામાં યુવાનોએ ભાગ લીધો હતો. આ ભરતી મેળાના આયોજનમાં ખાસ સહકાર આપનાર એવા નિર્મલભાઈ કે જેમના ઘરે ભરતી મેળાનું આયોજન કરવામાં આવ્યું હતું. સાથે લોકમંગમ ચેરિટેબલ ટ્રસ્ટના નીલમભાઇનો પણ આભાર કે જેમણે યુવાનોના રજીસ્ટ્રેશન કે અન્ય હેલ્પ માટે એમનો સ્ટાફ મોકલીયો હતો.
આ પ્રસંગે સામાજિક આગેવાન વિજયભાઈ અટારા અને ધરમપુર આદિવાસી સમાજ પ્રમુખશ્રી યોગેશ ભાઇ, ઉત્તમ ભાઇ ગરાસિયા, કમલેશ પટેલ, માજી નગરપાલિકા કોર્પોરેટર શ્રી ધીરજ ભાઇ, ખારવેલ ગામના સરપંચ શ્રી રાજેશ પટેલ, નડગધરી ગામના સરપંચશ્રી દિનેશ ભોયા, વાંકલ ગામના રૂઢિ ગ્રામસભાના અધ્યક્ષ રાકેશ પટેલ, મહેશ પટેલ, ધર્મેશ પટેલ સામાજિક આગેવાન રામદાસ ભોયા, રિતેશ પટેલ અને યુવાનો હાજર રહ્યા હતા
