દાનહ: ગતરોજ 7 સપ્ટેમ્બર સાંજે 05: 30 વાગ્યે આબકારી અધિકારીને ગુપ્ત માહિતી મળી હતી કે ખાનવેલથી ગેરકાયદેસર દારૂ મહારાષ્ટ્ર લઈ જવામાં આવી રહ્યો છે. ત્યારે દાનહ આબકારી વિભાગે ગેરકાયદેસર દારૂનો જથ્થો ઝડપી પાડ્યો હતો.
Decision News ને મળેલી માહિતી મુજબ આબકારી વિભાગની ટીમ તરત જ ખાનવેલ જવા રવાના થઈ હતી અને ખાનવેલ રૂડાના રોડ પર એક મહિન્દ્રા પીક અપ એમએચ -05-BH -5967 ને રોકીને તપાસ કરતા શાકભાજીની કેરેટની આડમાં દારૂ મળી આવ્યો હતો. આ તપાસમાં આબકારી વિભાગે કુલ 4464 દારૂની બોટલો કબજે કરી છે, જેની કુલ કિંમત 3,80,640 જેટલી થવા જઈ હતી.
આ ક્રમમાં આબકારી વિભાગે દાદરા અને નગર હવેલી અને દમણ અને દીવ એક્સાઈઝ એક્ટ, 1964 અને ફીના નિયમો 2020 હેઠળ કેસ નોંધાવ્યો છે અને આગળની કાર્યવાહી ચાલી રહી છે. નોંધપાત્ર રીતે છેલ્લા 45 દિવસમાં દાનહ આબકારી વિભાગે 8 કેસની અંદર કુલ 12,198 બોટલ કબજે કરી છે, જેની કુલ કિંમત 17,11,876 થવા જઈ રહી છે
