દાનહ: ઝારખંડ રાજ્યના જમશેદપુર ખાતે 15 થી 19 નવેમ્બર દરમ્યાન ટાટા સ્ટીલ ફાઉન્ડેશન દ્વારા ધરતીઆબા બિરસામુંડાજીની જન્મજયંતી નિમિત્તે પાંચ દિવસીય સંવાદ-2023 નું આયોજન કરવામાં આવ્યું હતું. આ સંવાદમાં ભારતના 28 રાજ્યો અને 2 સંઘપ્રદેશમાંથી વિવિધ આદિવાસી સમુદાયના લોકો દ્વારા હસ્તકલાનું પ્રદર્શન કરવામાં આવ્યું હતું.
આ સંવાદમાં દાદરા અને નગર હવેલીના મોરખલ ગામના આદિવાસી યુવાન સતીશ કુંવારાએ પણ ભાગ લીધો હતો. સતીશ કુંવારાએ આ સંવાદમાં પ્રદેશના આદિવાસીઓને લગતી વિવિધ વસ્તુઓનું પ્રદર્શન કર્યું હતું. આ પ્રદર્શનમાં સતીશ કુંવારાએ આદિવાસી સંસ્કૃતિને પ્રતિબિંબિત કરતી ઘણી બધી ચિત્રો, શિલ્પો અને હસ્તકલાના ઉત્પાદનોનું નિર્માણ કર્યું હતું. તેમના પ્રદર્શનને સમારોહના સભ્યો અને મહેમાનો દ્વારા ખૂબ જ પસંદ કરવામાં આવ્યું હતું. સતીશ કુંવારાના પ્રદર્શનને શ્રેષ્ઠ પ્રદર્શનનો એવોર્ડ પણ એનાયત કરવામાં આવ્યો હતો.
સતીશ કુંવારાના આ પ્રદર્શનથી સમગ્ર રાજ્યમાં તેમની પ્રશંસા થઈ રહી છે. તેમના આ પ્રદર્શનથી દાદરા અને નગર હવેલીના આદિવાસી સમાજના પ્રતિભાશાળી યુવાનોને પ્રેરણા મળશે તેવી આશા છે. સતીશ કુંવારાએ તેમના આ સફળ પ્રદર્શન બદલ આદિવાસી સંસ્કૃતિને પ્રોત્સાહન આપવા માટે કામ કરતા તમામ લોકોનો આભાર વ્યક્ત કર્યો છે. તેમણે કહ્યું કે તેઓ આગામી સમયમાં પણ આદિવાસી સંસ્કૃતિને પ્રદર્શિત કરવા માટે કામ કરતા રહેશે
