વાંસદા: ગતરોજ રાત્રીના સમયમાં વાંસદાથી ધરમપુર જતાં નેશનલ હાઈવે 56 પર રાણી ફળિયાના ગામમાં આવેલા પુલથી પાસે બે બાઈક અને ફોર વ્હીકલનો અકસ્માતની ઘટના બનવા પામી હતી. જેમાં એક યુવાન ઘટના સ્થળ પર જ મૃત્યુ પામ્યો હતો.
Decision News ને સુત્રો પાસેથી મળેલી માહિતી મુજબ રાત્રીના સમયમાં વાંસદાથી ધરમપુર જતાં નેશનલ હાઈવે 56 પર રાણી ફળિયાના ગામ પાસે આવેલા પુલથી થોડે દુર આવેલાં વળાંક પાસે બે બાઈક અને ફોર વ્હીકલનો સાથે જીવલેણ અકસ્માતની ઘટના બની હતી. જેમાં એક યુવાનનું ઘટના સ્થળ પર જ સારવાર મળે તે પહેલાં મોત થઇ ગયું હતું. જ્યારે બીજા અન્ય ત્રણ યુવાનો ગંભીર રીતે ઘાયલ થયા હતા. તેમને તાત્કાલિક ધોરણે વાંસદા સિવિલમાં ખસેડાયા હતા.
ઘટનાની જાણ થતાં જ રાણી ફળિયા ગામના સરપંચ અને પોલીસ તાત્કાલિક ઘટના સ્થળ પર આવી ગયા હતા અને જાણકારી મળ્યા અનુસાર ફોર વ્હીકલના ચાલકને પોલીસે ધરપડક કરી હતી. હાલમાં મૃત્યુ પામનાર યુવાન વાસીયા તળાવનો હોવાનું જાણવા મળ્યું છે.
