વડોદરા: સમગ્ર ગુજરાતનાં જાણીતાં આદિવાસી તબિબો અને તબિબી વિદ્યાર્થીઓનું છેલ્લા 18 વર્ષથી ચાલતા આવેલ સાયનેપ્સ મહાસંમેલન વડોદરા ખાતે દબદબાભેર ઉજવણી કરવામાં આવી હતી.જેમાં આદિવાસી પરિધાનમાં આવેલા ડોકટર આકર્ષણનું કેન્દ્ર બન્યા હતા
આ કાર્યક્રમમાં Decision News ને મળેલી જાણકારી પ્રમાણે SASના પ્રમુખ ડો.પ્રદીપભાઈ ગરાસિયા,નાંદોદ વિધાનસભા ધારાસભ્ય ડો.દર્શનાબેન દેશમુખ, દાહોદ માજી સાંસદ ડો.પ્રભાબેન તાવીયાડ, ડો.ચંદનબેન થોરાત, ડો. શાંતિકર વસાવા, ડો. રાજનભાઈ ભગોરા, ડો.ભરતભાઈ પટેલીયા, ડો.દુષ્યન્ત બલાત, તાપી જિલ્લા ડેપ્યુટી કલેકટર ડો.ક્રિષ્નાબેન પટેલ,ડો.શાંતિલાલ ગાંવિત, ડો.જે.સી.વસાવા, વડોદરા એસીપી કમલેશભાઈ વસાવા, તાપી જિલ્લા નિવૃત કલેકટર શ્રી મોડિયા, ડો.નિરવ ભુલાભાઇ પટેલ, ડો.અમિત અસારી, ડો.આનંદ પલાસ, ડો. વૈભવ હઠીલા, નિવૃત વનઅધિકારી અરુણભાઈ ચૌધરી સહિત અનેક મહાનુભાવો ઉપસ્થિત રહ્યા હતાં.
ઉલ્લેખનીય છે કે સાયનેપ્સનો મતલબ ચેતાતંત્રનાં 2 છેડાઓ વચ્ચેનું જોડાણ એટલે કે વિવિધ પેટાજ્ઞાતિઓના મેડિકલ-પેરામેડિકલ વિદ્યાર્થીઓ,સિનિયર તબિબો અને સમાજના મહાનુભાવો વચ્ચેનું લાગણીશીલ જોડાણ. જેમાં 1000 થી વધારે ભાવિ તબિબ એવા તબિબી વિદ્યાર્થીઓ અને અનેક સામાજિક આગેવાનોએ ઉત્સાહભેર ભાગ લીધો.કાર્યક્રમને સફળ બનાવવામાં પ્રમુખ ડો.વિનોદભાઈ સંગાડા, હોદ્દેદારો ડો.ડેક્ષટર વસાવા, ડો.હિતેષ રાઠોડ, ડો.શીતલ હઠીલા, ડો.જલ્પા બલાત, ડો.નિર્મિષ અસારી, ડો.વિજય ભાભોર વગેરેનો મહત્વનો ફાળો છે.
