માંડવી: આદિવાસી યુવાનોમાં લોકપ્રિય એવા પ્રકાશ ચૌધરી સુરત જિલ્લાના માંડવી તાલુકાના દઢવાડા ગામના વતની છે. તેઓ હાલ M.scનો અભ્યાસ કરે છે. નાની વયે જ સામાજિક પ્રવૃતિઓમાં રસ હોવાથી તેમણે Step of inspiration (SOI) નામનું યુવા ગ્રુપ બનાવ્યું. જે પ્લેટફોર્મ ઉપર યુવાઓને જોડાવાની પ્રવૃતિઓ કરી. હાલના તબક્કે આદિવાસી યુવાનો પણ આગળ આવે એ માટે તેમણે યુવાઓને એકમંચ ભેગા કરી, તેમના પ્રેરણાત્મક નેતૃત્વ વિકસાવી તેમના પ્રગતિશીલ કાર્યો દ્વારા સમાજને કેવી રીતે મદદરૂપ બને તે માટે નોંધનીય પ્રવૃતિઓ કરી છે. સુરત જિલ્લાના દઢવાડા જેવા નાના ગામના આદિવાસી યુવાનને સંમેલનોમાં ભારતના આદિવાસી યુવા પ્રતિનિધિ તરીકે હાજરી આપવાની તક મળી છે.
આદિવાસી યુવાનો આગળ લાવવા સેમિનાર,કેમ્પ,યુવા સંમેલનો,ટ્રેનિંગ કેમ્પસ તેમજ વિવિધ યુવા લક્ષી પ્રવૃતિઓ તેઓ ગ્રુપના યુવાનો સાથે મળીને કરે છે. દક્ષિણ ગુજરાતમાં તેમના ગ્રુપના નવ(9) -યુનિટોમાં 2000 થી પણ વધુ યુવાનો કામ કરે છે. આ ગ્રુપ દ્વારા ઘણા યુવાનો આજે આગળ આવ્યા છે. જેઓ સમાજ વિશે બોલતા,લખતા અને સમાજની સમસ્યા માટે લડતા થયા છે. આદિવાસી યુવાઓના આ કાર્યોમાં પ્રકાશ ચૌધરીનું યોગદાન મોટું છે.
હાલમાં વિશ્વ ક્લાઈમેટ ચેંજ જેવી વૈશ્વિક સમસ્યાઓનો સામનો કરી રહયું છે. ત્યારે ક્લાઈમેટ ચેજની સમસ્યાના નિવારણ માટે આખું વિશ્વ આદિવાસી સમુદાય તરફ મીટ માંડી રહ્યું છે. કેમ કે આદિવાસી જીવનશૈલી વિશ્વની ઘણી સમસ્યાઓ નિવારી શકે એમ છે. પ્રકાશ ચૌધરી હાલમાં પોતાના આદિવાસી સમાજનું પ્રતિનિધિત્વ કરે છે. અને (Unite Nations) ના વિવિધ પ્લેટફોર્મ ઉપર તેઓ આદિવાસી યુવા પ્રતિનિધિ તરીકે કામ કરે છે. COP 27માં ભારતમાંથી હાજર રહેલા બે આદિવાસી યુવાઓ પૈકી તેઓ એક છે જે એક ગૌરવની વાત છે. તેમણે COP 27માં INDIGENOUS PEOPLES’ CAUCUS PREPARATORY MEETING માં ભાગ લીધો જેમાં COP27 માં આદિવાસી સમાજ વતી રજુ કરાયેલું સ્ટેટમેન્ટ તૈયાર કરાયું હતું. ત્યારબાદ તેમણે Annual Youth Roundtable of Indigenous Peoples and Local Communities by LCIPP(Local Communities and Indigenous Peoples Platform)COP27 માં ભારતના આદિવાસી યુવા પ્રતિનિધિ તરીકે ભાગ લીધો.
દુનિયાભરના આદિવાસી યુવાનો સાથે એમણે ક્લાઈમેટ ચેંજ અને આદિવાસી સમુદાયને લગતા ઘણા મુદ્દાઓની ચર્ચા કરી અને દરેક મુદ્દાઓ ઉપર પોતાના મંતવ્યો રજુ કર્યા.તેમણે COP27 માં ઘણી સાઈડ ઈવેન્ટ્સમાં આદિવાસી યુવા પ્રતિનિધિ તરીકે હાજરી આપી અને પોતાના સમાજ વતી પ્રતિનિત્વ કર્યું. આદિવાસી સમુદાય અને યુવાઓના પ્રશ્નોને લઈને તેઓ જાપાન, બ્રાઝીલ, અમેરિકા, ઇન્ડોનેશિયા, નેપાળ અને મેક્સિકોના યુથ ડેલિગેશનને પણ મળ્યા. United nations ની આ કલાઇમેટ સમિટમાં દુનિયાભરના દેશોના ડેલિગેટ્સ ભાગ લેતા હોય છે. ત્યાં સુધી પહોંચવું એ આ આદિવાસી યુવાનની સિધ્ધી છે. આદિવાસી યુવાનોનો સશક્ત અવાજ તરીકે ઉભરેલા આ આદિવાસી યુવાન ગુજરાતનુ ગૌરવ છે. પ્રકાશ ચૌધરીનું કહેવું છે કે તેમણે અહીં સુધી પહોંચવા ઘણો સંઘર્ષ અને મહેનત કરી છે. COP જેવા વૈશ્વિક ક્લાઈમેટ સંમેલનમાં આદિવાસી યુવા તરીકે ભારતનું પ્રતિનિધત્વ કરવાની તક મળી છે તે માટે ગૌરવ છે.
