નર્મદા: આજે રાષ્ટ્રીય મતદાતા દિવસ નિમિત્તે “ ચાલો ચૂંટણી પ્રક્રિયાને સમાવેશી, સુગમ અને સહભાગી બનાવીએ “ થીમ આધારિત વર્ચ્યુઅલી કાર્યક્રમ યોજાશે જેમાં નર્મદા જિલ્લાવાસીઓને યુ-ટ્યુબના ઓનલાઇન માધ્યમ થકી કાર્યક્રમમાં જોડાવા જિલ્લા ચૂંટણીતંત્રનો જાહેર અનુરોધ કરવામાં આવ્યો છે.
નર્મદા જિલ્લામાં તા.૨૫ મી જાન્યુઆરી,૨૦૨૨ ને મંગળવારના રોજ રાષ્ટ્રીય મતદાતા દિવસ-૨૦૨૨ ની ઉજવણી નિમિત્તે ” ચાલો ચૂંટણી પ્રક્રિયાને સમાવેશી, સુગમ અને સહભાગી બનાવીએ “ થીમ આધારિત રાષ્ટ્રીય મતદાતા દિવસના વર્ચ્યુઅલી યોજાનારા કાર્યક્રમમાં નર્મદા જિલ્લાવાસીઓને યુ-ટ્યુબના ઓનલાઇન માધ્યમ થકી કાર્યક્રમમાં જોડાવા જિલ્લા ચૂંટણીતંત્ર તરફથી જાહેર અનુરોધ કરાયો છે.
નર્મદા જિલ્લાના નાયબ ચૂંટણી અધિકારીશ્રીની એક અખબારી યાદીમાં જણાવ્યાં મુજબ તા.૨૫ મી જાન્યુઆરી,૨૦૨૨ ના રોજ સમગ્ર દેશમાં ૧૨ માં રાષ્ટ્રીય મતદાતા દિવસની ઉજવણી કરવામાં આવનાર છે. આ કાર્યક્રમની ઉજવણી રાજ્યકક્ષાનો વર્ચ્યુઅલ કાર્યક્રમ પૂર્ણ થયા બાદ જિલ્લાકક્ષાએ જિલ્લા કલેક્ટરશ્રી અને જિલ્લા ચૂંટણી અધિકારીશ્રી ડી.એ.શાહના અધ્યક્ષસ્થાને તા.૨૫/૦૧/૨૦૨૨ ના રોજ ૧૨:૦૦ કલાકે કલેક્ટર કચેરીના કોન્ફરન્સ હોલ ખાતે યુ-ટ્યુબના ઓનલાઇન માધ્યમ ધ્વારા યોજાનાર છે, જેમાં નર્મદા જિલ્લાની જનતાને જોડાવા માટે ખાસ અનુરોધ કરવામાં આવ્યો છે. ઉપરોક્ત ઓનલાઇન યોજાનાર કાર્યક્રમની લીંક કલેક્ટર કચેરી નર્મદા તથા જિલ્લાની સરકારી કચેરીના સોશિયલ મિડીયા પ્લેટફોર્મ પર પ્રસારિત કરવામાં આવશે.
BY ચિરાગ તડવી
