વલસાડ: વલસાડના ધરમપુર અને કપરાડાના અંતરિયાળ આદિવાસી વિસ્તારની ભૂમિ પર વન બંધુ સિંચાઇ અને પીવાના પાણી માટે સાઉદી 797 કરોડ સમુદ્રી લિફ્ટ ઇરિગેશન ઉદવહન સિંચાઇ યોજના લાગુ કરવા માટેમંજુરી આપી દેવામાં આવી છે.
મળતી માહિતી મુજબ મુખ્યમંત્રી વિજય રૂપાણીએ દમણગંગા જળાશય યોજનામાંથી પાણી લિફ્ટ કરીને જમણા કાંઠા મેઇન કેનાલમાં નાખી કેનાલ ડિસચાર્જ વધારીને ધરમપૂર-કપરાડાના ગામોને પાણી આપવાની સૂચિત કાર્ય યોજના માટે ઇન પ્રિન્સિપલ પરમિશન આપી છે. આ લિફ્ટ ઇરીગેશન સિંચાઇ યોજના અંતર્ગત કુલ 163 કિ.મી. પાઇપલાઇન નેટવર્કથી દુર્ગમ આદિજાતિ વિસ્તાર કપરાડા તાલુકાના 24 ગામોની આશરે 19 હજાર એકર જમીનને તથા ધરમપૂરના 13 ગામોની અંદાજે 13450 એકર જમીનને સિંચાઇ સુવિધા મળવાનો અંદાજો લગાવવામાં આવી રહ્યો છે.
રાજ્ય સરકાર દ્વારા આદિવાસી વિસ્તારોના ડુંગરાળ પ્રદેશમાં વસતા આદિવાસી લોકો વધુ ખેતી પાક લઇ આર્થિક સમુદ્ધિ તરફ વળે તેમજ પીવાના પાણીની અછત જે વર્ષો જૂની સમસ્યા છે તે પણ દૂર થાય તેવી સંવેદના સાથેનો આ પ્રયાસ કરવામાં આવ્યો છે.
