નર્મદા: ગુજરાતમાં દારૂબંધી કરવાને લઈને માહોલ ગરમાયો છે તેવામાં નર્મદામાં આમ આદમી પાર્ટીના પ્રમુખ નિરંજન વસાવાનો સગો ભાઈવીરભદ્રસિંહ વસાવા દારૂની બોટલો સાથે ઝડપાયા છે. દારૂની 11 બોટલ સાથે ઝડપાયેલ વીરભદ્રસિંહ વસાવાને નર્મદા પોલીસે ઝડપી પાડયો છે ત્યારે, મનસુખ વસાવાએ બાંયો ચઢાવી છે.
નિરંજન વસાવા પર પણ કુલ 15 કેસો છે. અને તેમના નાના ભાઈ વીરભદ્રસિંહ વસાવા પર 6 જેટલા કેસો નોંધાયેલા છે. જેમ કે, ઇલેક્ટ્રીક સીટી ચોરી, મારામારી, એ.સી.બી, રેલવેની જમીનો પર કબજા, લેન્ડ ગ્રેબિંગનો કેસ, ગવર્મેન્ટ જમીનો પર ગેરકાયદેસર બાંધકામ, લોકોને ધાકધમકી આપીને જમીનો પચાવી પાડવી જેવા ગુનાઓ નોંધાયેલા છે.
મનસુખ વસાવાએ કર્યાં પ્રહાર
આ મામલે ભરૂચના સાંસદ મનસુખ વસાવાએ સોશિયલ મીડિયા પર પોસ્ટ કરી માહિતી આપી હતી. અને જેમાં તેમણે લખ્યું છે કે, “નર્મદા જીલ્લામાં આમ આદમી પાર્ટીના જિલ્લા પ્રમુખ નો ભાઈ દારૂ વેચતાં ઝડપાયો !! વીરભદ્ર સિંહ ઉર્ફે ભદ્રેશ દારૂ ની ૧૧ બોટલો સાથે પકડાયો.. આમ આદમી પાર્ટી ના જીલ્લા પ્રમુખ નિરંજન વસાવાનો સગો ભાઈ દારૂ વેચે અને અરવિંદ કેજરીવાલના ચેલાઓ મંચ પરથી સુની સુફિયાણી વાતો કરી પ્રજાને ગેરમાર્ગે દોરે છે. આ છે આમ આદમી પાર્ટીના અસલ સંસ્કાર દિલ્લી અને પંજાબમાં કરતા ખેલ ગુજરાતમાં નહીં ચાલે. આ દારૂની હેરાફેરી કરતી પાર્ટીના નવા નિશાળીયાઓને પાછા પોલીસના પટ્ટા ઉતારવા છે !!! દારૂ પકડયો એ બદલ નર્મદા પોલીસને અભિનંદન પણ અમુક અંદરના બાતમીદારોની બાતમી લીક થતા દારૂ પેટી બુટલેગરોએ સગેવગે કરી દીધી હતી..” તેમનું કહેવું છે કે હવે ચૈતર વસાવા શું કરશે જોઈએ.
