વલસાડ: આજરોજ સંવિધાન દિવસ નિમિતે આદિવાસી સમાજના આગેવાનો દ્વારા બાબાસાહેબ આંબેડકરની 125 મી જન્મજયંતિની ઉજવણીના ભાગરૂપે વલસાડ જિલ્લા કલેકટરને આવેદનપત્ર આપી વિવિધ માંગણીઓ કરવામાં આવી હતી.
બંધારણ દિવસના 76 વર્ષ પૂર્ણ થતાં આદિવાસી સમાજના વલસાડના આગેવાનો ડો.નિરવ ભુલાભાઈ પટેલ, વકીલ કેયુર પટેલ, શૈલેષ પટેલ, અનિલ પટેલ, ધર્મેશ નાયકા, મયુર પટેલ, કોર્પોરેટર કપિલ હળપતિ, કાર્તિક, સુમનભાઈ, મહિનભાઈ, મહેન્દ્રભાઈ, અરવિંદભાઈ, સુરેશભાઈ, અજીતભાઈ, બિપીનભાઈ માજી પોલિસ, ઉપસરપંચ ઘડોઇ ધીરુભાઈ, ભાવેશ, હેમલભાઈ ઠક્કરવાડા, પરેશભાઈ, જયંતિભાઇ, સુનિલભાઈ, વિઠ્ઠલભાઈ, રણધીરભાઈ વગેરેએ ભેગા મળીને વલસાડ એડિશનલ કલેકટરને આવેદનપત્ર આપી વલસાડની વિવિધ સમસ્યાઓ દૂર કરવાની માંગ કરી હતી. આ બાબતે મીડિયા સાથેની વાતચીતમાં ડો.નિરવ પટેલ અને એડવોકેટ કેયુર પટેલ અને મયુર પટેલ દ્વારા જણાવવામાં આવ્યું હતું કે અમારી માંગ..
1. વલસાડ કલેકટરને શિક્ષકોને આવનાર સમયમાં શિક્ષણ સિવાયની અન્ય કોઈપણ કામગીરી નહીં સોંપવાની માંગ કરી છે કે કારણ કે આવી રીતે અચાનક બેજવાબદારી પૂર્વક સોંપવામાં આવેલ SIR ની જવાબદારી શિક્ષકો માટે સીરદર્દ બની ગઈ છે અને કેટલાય શિક્ષકો કમોતે મૃત્યુ પામ્યા છે. અને કેટલીય મહિલા BLOનાં નંબરો વાયરલ થતાં શિક્ષિકાઓએ હેરાનગતિ સહન કરવાનો વારો આવ્યો છે અને ખાસ કરીને સ્લમ વિસ્તારોમાં મતદારોમાં જનજાગૃતિનો અભાવ હોય BLO ની કામગીરીમાં ભારે હેરાનગતિનો સામનો કરવો પડતો હોય છે અને ઉપરથી ભારે ભરખમ ટાર્ગેટ પુરા નહીં થતાં ઉચ્ચ અધિકારીઓ દ્વારા પારાવાર અપમાન કરવામાં આવતું હોવાની તેમજ કોઈ તકલીફોની રજૂઆત લઈને જવા પર મહિલા શિક્ષિકાઓને એક અધિકારી દ્વારા ગેટ આઉટ સહિત ખુબ જ નિમ્ન કક્ષાના વર્તનનો વારંવાર સામનો કરવો પડ્યો છે. તો આ બાબતે જે તે અધિકારીને અમે સ્પષ્ટ શબ્દોમાં જણાવવા માંગ્યે છીએ કે તમે જે પણ કાર્યવાહી કે વર્તન કરો તે સંવિધાનનાં દાયરામાં રહીને કરશો અન્યથા કાયદાકીય પ્રક્રિયા અને સત્યાગ્રહનો સામનો કરવો પડી શકે છે.
2. જે પણ સર્કલો કે જાહેર માર્ગો છે તેના પર દેશના મહાનુભાવોની મૂર્તિ બેસાડવા માટે તંત્ર દ્વારા ખોટી રીતે હેરાનગતિ નહીં કરવામાં આવે એવી પણ માંગ કરી છે તેમજ
3. કાંઠા વિસ્તરનાં ગામોમાં તાત્કાલિક ધોરણે પ્રોટેકશન વોલ બનાવવામાં આવે કારણકે ચોમાસામાં આ વિસ્તારના રહેવાસીઓએ ભારે હાલાકીનો સામનો કરવો પડતો હોય છે તેમાં પણ ઇમરજન્સી કન્ડિશનમાં તો વેદનાઓનો પાર રેહતો નથી.
4. વલસાડ જિલ્લામાં આવેલ તમામ GIDCઓમાં આસપાસનાં 10 કિલોમીટરની ત્રિજ્યામાં આવેલ સ્થાનિકોને પહેલું પ્રાધાન્ય આપવામાં આવે તેમજ દારૂ અને ડ્રગ્સ સહિત યુવાધનોને બરબાદ કરતો વેપલાઓ પર તાત્કાલિક ધોરણે રોક લગાવવામાં આવે જેનાથી દેશનું ભવિષ્ય ધુંધળું થતું અટકાવી શકાય.
5. યુવાધનને શારીરિક રીતે મજબૂત કરવા દેશના દરેક તાલુકે તાલુકે સ્પોર્ટ્સ સંબંધી પ્રવૃતિઓનો વ્યાપ વધારવામાં આવે જેનાથી આવનાર સમયમાં સરિતા ગાયકવાડ, મુરલી ગાંવિત, હિમા દાસ, નિરજ ચોપરા જેવા અનેક પ્રતિભાશાળી યુવકો દેશનું નામ રોશન કરવા તત્પર બને.
