કપરાડા: આજરોજ કપરાડા તાલુકાના ગોઈ ગામની ગ્રામ પંચાયત દ્વારા આયોજિત આદિવાસી બિરસા મુંડા સ્મૃતિ ક્રિકેટ ટૂર્નામેન્ટનો આજરોજ ભવ્ય પ્રારંભ થયો. વલસાડ-ડાંગ લોકસભા વિસ્તારના સાંસદ ધવલ પટેલની વિશેષ ઉપસ્થિતિમાં ટૂર્નામેન્ટનું ઉદ્ઘાટન કરવામાં આવ્યું હતું.
આ પ્રસંગે સાંસદ ધવલ પટેલે ખેલાડીઓને સંબોધતાં કહ્યું કે, “આપણા આદિવાસી યુવાનોમાં અપાર પ્રતિભા છે. રમત-ગમત એ તેમને શારીરિક અને માનસિક રીતે મજબૂત બનાવવાનું સૌથી સારું માધ્યમ છે. બિરસા મુંડા જેવા મહાન ક્રાંતિકારીના નામે આવી ટૂર્નામેન્ટ યોજવાથી યુવાનોને પોતાની ઓળખ અને ગૌરવનો પણ અહેસાસ થશે.”
ધારાસભ્ય જીતુભાઈ ચૌધરીએ કહ્યું કે, “ગોઈ સહિત આસપાસના ગામોની ટીમો આ ટૂર્નામેન્ટમાં ભાગ લઈ રહી છે. ગામના યુવાનોએ રાત-દિવસ મહેનત કરીને મેદાન તૈયાર કર્યું છે. આવા આયોજનથી યુવાનો નશાની લાલચથી દૂર રહીને રમતગમતમાં આગળ વધશે.” ખેલાડીઓનો ઉત્સાહ અને ગ્રામજનોની ઉપસ્થિતિ દેખી મને આનંદ થયો છે.
આ કાર્યક્રમમાં ઉપસ્થિત મહાનુભાવોમાં તાલુકા પંચાયત પ્રમુખ, જિલ્લા પંચાયત સભ્યો, આગેવાનો તેમજ મોટી સંખ્યામાં ગ્રામજનો જોડાયા હતા. આવા આયોજનો આદિવાસી વિસ્તારમાં રમતગમતના વિકાસ માટે એક મજબૂત પ્લેટફોર્મ તરીકે ઉભરી રહ્યા છે.
