કપરાડા: લોકપ્રતિનિધિ માનનીય MLA શ્રી જીતુભાઈ ચૌધરી સાહેબના સતત પ્રયાસો, સતત અનુસરણી અને રાજ્ય સરકાર સમક્ષ કરાયેલ સકારાત્મક પ્રસ્તુતિને પરિણામે કપરાડા વિકાસની દિશામાં એક અત્યંત લોકહિતકારી, કાયમી પ્રભાવક અને ઐતિહાસિક નિર્ણયને મંજૂરી પ્રાપ્ત થઈ છે.
હાલ ધરમપુર ખાતે કાર્યરત પંચાયત (મા. ઇજિ. મિકે.) પેટા વિભાગનો કાર્યક્ષેત્ર અત્યંત વિશાળ હતો. કપરાડા–ધરમપુર–નાનાપોંઢા જેવી પર્વતીય અને માળ વિસ્તારોમાં માર્ગ સુવિધાઓ, રસ્તા–પુલા, પીવાનું પાણી, ગ્રામ્ય વિકાસ સાથે જોડાયેલા માળખાકીય પ્રોજેક્ટો, PMGSY/MGNREGA/NABARD જેવી યોજનાઓમાં ડીપીઆર, ટેન્ડર, ટેક્નિકલ ક્લિયરન્સ વગેરે આ સર્વમાં ટેક્નિકલ/એડમિનિસ્ટ્રેટિવ પ્રક્રિયાઓ ભરમાર હતી. પરિણામે ધરમપુર પેટા વિભાગના અધિકારીઓ પર કાર્ય બોજ અતિશય વધી જતું હતું. જેના કારણે ફાઈલોના નિષ્પત્તિમાં વિલંબ તથા રુટીન ટેક્નિકલ એપ્રુવલમાં પણ સમયવ્યય થતો હતો.
આ વાસ્તવિક મુદ્દાને ધ્યાનમાં રાખીને કપરાડા માટે અલગ પેટા વિભાગ રચવાના પ્રશ્ને, વિધાનસભાના લોકપ્રતિનિધિશ્રી દ્વારા વર્ષોથી સતત ફોલો–અપ, દબાણ, પ્રસ્તુતિ અને એડમિનિસ્ટ્રેટિવ ડીટેઈલ સાથેની રજૂઆતો રાજ્ય સરકાર સમક્ષ કરવામાં આવી હતી. તેના સકારાત્મક નિજઅસર રૂપે રાજ્ય સરકારે હવે સત્તાવાર રીતે “પંચાયત (મા. ઇજિ. મિકે.) પેટા વિભાગ કપરાડા” સ્થાપનને અધિકૃત મંજુરી આપી છે. ધરમપુર પેટા વિભાગમાંથી કાર્યક્ષેત્રનું વિભાજન કરીને કપરાડાને સ્વતંત્ર પેટા વિભાગનો હક આપવામાં આવ્યો છે.
આ નિર્ણય અમલમાં આવતા હવે કપરાડા વિસ્તારમાં ગ્રામ્ય ટેક્નિકલ કામો, દસ્તાવેજ મંજૂરીઓ, એપ્રુવલ અને મુખ્યાલય સાથેનું સંકલન વધુ ઝડપથી થશે. PMGSY/NABARD/MGNREGA જેવી યોજનાઓમાં કપરાડાના પ્રોજેક્ટો હવે ઝડપી ગતિથી આગળ વધી શકશે. રોડ, પાણી, ગ્રામ્ય ઇન્ફ્રાસ્ટ્રક્ચર, પુલ–કડાઓ, ડીપીઆર, ટેન્ડરિંગ દરેક કામની પ્રક્રિયા લોકલાઇઝેશન સાથે પૂર્ણ થશે. જેના કારણે સમય બચશે, વિલંબ ઘટશે અને પરિણામકારકતા વૃધ્ધિ પામશે. કપરાડા વિકાસની લાંબી યાત્રામાં આ નિર્ણય ખરેખર એક મહત્ત્વપૂર્ણ માઇલસ્ટોન, ઐતિહાસિક સિદ્ધિ અને ભવિષ્યના વિકાસકાર્ય માટેનો મજબૂત આધારસ્તંભ છે.
( વધુ અપડેટ માટે DECISION NEWS ના આગળના સમાચારો સાથે જોડાયેલા રહો.)
