વાંસદા: ભારતના લોખંડી પુરુષ અને અખંડ ભારતના શિલ્પી સરદાર વલ્લભભાઈ પટેલની 150 મી જન્મજયંતિના પવિત્ર પ્રસંગે દેશભરમાં રાષ્ટ્રીય એકતા દિવસની ભવ્ય ઉજવણી થઈ રહી છે. ત્યારે વાંસદા પોલીસ સ્ટાફે સ્થાનિક વાસદા ગાંધી મેદાનમાં સરદાર પટેલની પ્રતિમા પર શ્રદ્ધાંજલિ અર્પણ કરીને તેમના અમર યોગદાનને યાદ કર્યું.
Decision News ને મળેલી માહિતી મુજબ સવારે વાસદા ગાંધી મેદાનમાં યોજાયેલા કાર્યક્રમમાં વાંસદા પોલીસ સ્ટાફના અધિકારીઓ અને જવાનોએ સરદાર પટેલની પ્રતિમા પર પુષ્પહાર અને પુષ્પાંજલિ અર્પણ કરી. તેઓએ એકતા શપથ લઈને સરદાર પટેલના આદર્શોને અનુસરવાનો સંકલ્પ લીધો. આ કાર્યક્રમમાં પોલીસ અધિકારીઓએ કહ્યું કે, “સરદાર પટેલે 562 રજવાડાઓને એકત્રિત કરીને આજના ભારતનું નિર્માણ કર્યું છે. આપણે તેમના દ્રઢ નિશ્ચય અને એકતાના મંત્રને અપનાવીને દેશની અખંડતા જાળવીએ.”
આ ઉપરાંત, 150 મી જન્મજયંતિના મહત્ત્વને ધ્યાનમાં રાખીને વાંસદા પોલીસ સ્ટાફે ‘રન ફોર યુનિટી’ કાર્યક્રમનું આયોજન કર્યું હતું. આ કાર્યક્રમ દ્વારા પોલીસ વિભાગે યુવા વર્ગને ફિટનેસ અને રાષ્ટ્રીય એકતા તરફ પ્રેરિત કર્યા હતા. વાંસદા પોલીસના અધિકારીઓએ જણાવ્યું કે, સરદાર પટેલની 150 મી જન્મજયંતિ એ માત્ર એક ઉજવણી નથી, પરંતુ દેશની એકતા અને અખંડતાને મજબૂત કરવાનો પ્રસંગ છે. દેશભરમાં યોજાઈ રહેલા આ કાર્યક્રમોમાં ગુજરાત સહિત અન્ય રાજ્યોમાં પણ પોલીસ વિભાગો દ્વારા ‘રન ફોર યુનિટી’ જેવા કાર્યક્રમોનું આયોજન કરવામાં આવ્યું છે, જેમાં લાખો લોકો ભાગ લઈ રહ્યા છે. વાંસદા જેવા નાના કસ્બામાં પણ આવા કાર્યક્રમો દ્વારા સ્થાનિક સમુદાયને સરદાર પટેલના આદર્શો સાથે જોડવામાં આવ્યો છે. વાંસદા પોલીસના આ પ્રયાસોથી સ્થાનિક વતનપ્રેમીઓમાં એકતાનો ભાવ વધુ મજબૂત બન્યો છે.
